मानोरा (Anganwadi) : अंगणवाडी कर्मचाऱ्यांच्या मानधनात वाढ, दरमहा पेन्शन ग्रज्युईटी या प्रलंबित मागण्या संदर्भात शासनाचे लक्ष वेधण्यासाठी दि. १९ सप्टेंबर रोजी जिल्हा परीषद वाशिम कार्यालयावर आंदोलन छेडण्यात येणार असल्याचे निवेदन मुख्य कार्यकारी अधिकारी यांना महाराष्ट्र राज्य (Anganwadi) अंगणवाडी कर्मचारी संघाच्या वतीने पदाधिकाऱ्यांनी दिले.
निवेदनानुसार महीला व बाल विकास विभागाने अंगणवाडी कर्मचाऱ्यांच्या मानधनात वाढ करावी, त्यांना दरमहा पेन्शन देवून ग्रज्युईटी द्यावी, यासंबंधीचे प्रस्ताव महाराष्ट्र शासनाला सादर केले आहे. त्यामुळे शासकीय आदेश विनाविलंब निर्गमित करावे, यासंबंधात आपल्या भावना व्यक्त करण्यासाठी महाराष्ट्रभर जिल्हा परीषद कार्यालयावर जेल भरो (Jail Bharo Andolan), रास्ता रोको, अन्य सत्याग्रह धरणे कार्यक्रम आयोजित करण्याचे ठरले आहे.
शासनाचे लक्ष वेधण्यासाठी वाशीम जिल्हयातील जिल्हा परीषद कार्यालयावर अंगणवाडी कर्मचारी जेल भरो आंदोलन (Jail Bharo Andolan) करणार आहे. त्यामुळे अंगणवाडी कर्मचाऱ्यांच्या शिष्ट मंडळाला भेट देऊन त्यांच्या मागण्यांचे निवेदन स्विकारून शिफारशीसह शासनाला पाठण्यासाठी निवेदनाद्वारे विनंती केली आहे. निवेदन देताना मानोरा प्रकल्पाच्या अध्यक्ष प्रमिला पखाले, सचिव रंजना इंगोले , सदस्य शोभा मनोहर, द्वारका काळे, भाग्यश्री डेरे, शीला खिराडे, वेणु कापसे, रणजीता राठोड, द्वारका काळे, श्रध्दा भोयर, ममता राठोड आदी उपस्थित होते.
