कोलकाता(kolkata):- पश्चिम बंगालमध्ये(West Bengal) एक मोठा रेल्वे अपघात(railway accident) झाला आहे. येथे रुळावर उभ्या असलेल्या कांचनजंगा एक्सप्रेसला मागून भरधाव वेगाने येणाऱ्या मालगाडीने जोरदार धडक दिली या अपघातात आतापर्यंत ५ जणांचा मृत्यू झाला आहे. एनजेपीहून सियालदहला जाणाऱ्या कांचनजंगा एक्स्प्रेसला(Kanchenjunga Express) सिलीगुडी ओलांडल्यानंतर रंगपनीर स्टेशनजवळ अपघात झाल्याचे सांगण्यात येत आहे. या अपघातात रेल्वेच्या मागील बाजूच्या तीन बोगींचे मोठे नुकसान झाले आहे. या अपघातात आतापर्यंत ५ प्रवाशांचा मृत्यू झाला असून २५ जण जखमी झाल्याचे सांगण्यात येत आहे. या अपघातात मालगाडीच्या लोको पायलटचाही मृत्यू झाला आहे.
दोन प्रवासी बोगी आणि एका पार्सल बोगीचे नुकसान
रेल्वेकडून मिळालेल्या माहितीनुसार, या अपघातात दोन प्रवासी बोगी आणि एका पार्सल बोगीचे नुकसान झाले आहे. या अपघातात अनेक जण जखमी होण्याची शक्यता वर्तवली जात आहे. घटनास्थळावरील सर्व सरकारी आणि खासगी रुग्णालयांना (private hospitals) सतर्कतेचा इशारा देण्यात आला आहे. दार्जिलिंग पोलिसांचे अतिरिक्त एसपी अभिषेक रॉय म्हणाले, या अपघातात पाच प्रवाशांचा मृत्यू झाला असून २०-२५ जण जखमी झाले आहेत. जखमींपैकी अनेकांची प्रकृती चिंताजनक आहे. मालगाडी कांचनजंगा एक्सप्रेसला धडकल्याने हा अपघात झाला.
रेल्वे, NDRF आणि SDRF जवळच्या समन्वयाने काम करत आहेत
रेल्वेमंत्री अश्विनी वैष्णव यांनी या अपघातावर शोक व्यक्त केला असून NFR परिसरात दुर्दैवी अपघात झाल्याचे सांगितले. बचावकार्य युद्धपातळीवर सुरू आहे. रेल्वे, NDRF आणि SDRF जवळच्या समन्वयाने काम करत आहेत. जखमींना रुग्णालयात नेण्यात येत आहे. वरिष्ठ अधिकारी घटनास्थळी दाखल झाले आहेत. या घटनेवर मुख्यमंत्री ममता बॅनर्जी यांनी ट्विट केले आहे. ममता यांनी लिहिले आहे की, दार्जिलिंग जिल्ह्यातील फणसीडेवा भागात झालेल्या एका भीषण रेल्वे अपघाताबाबत समजल्यावर तिला धक्का बसला आहे. तपशिलांची प्रतीक्षा असली तरी, कांचनजंगा एक्स्प्रेसची मालगाडीशी टक्कर झाल्याचे वृत्त आहे. बचाव आणि वैद्यकीय मदतीसाठी डीएम, एसपी, डॉक्टर, रुग्णवाहिका आणि आपत्ती पथके घटनास्थळी पाठवण्यात आली आहेत. युद्धपातळीवर कार्यवाही सुरू करण्याच्या सूचना देण्यात आल्या आहेत.
सियालदहमध्ये जारी करण्यात आलेला हेल्प डेस्क क्रमांक:
०३३-२३५०८७९४
०३३-२३८३३३२६
GHY स्टेशन
०३६१२७३१६२१
०३६१२७३१६२२
०३६१२७३१६२३
एलएमजी हेल्पलाइन क्र.
०३६७४२६३९५८
०३६७४२६३८३१
०३६७४२६३१२०
०३६७४२६३१२६
०३६७४२६३८५८
या अपघातात १० ते १५ जणांचा मृत्यू(Deaths) झाल्याची भीती व्यक्त केली जात आहे, तर डझनभर लोक जखमी झाल्याची माहिती आहे. कटिहार रेल्वे विभागाचे डीआरएम यांनी फोनवर अपघाताची पुष्टी करताना सांगितले की, एनजीपी आणि कटिहार येथून बचाव पथके रवाना करण्यात आली आहेत. अपघातानंतर किशनगंज गुवाहाटी रेल्वे मार्गावरील वाहतूक विस्कळीत झाली आहे.
