रेमू डिसूझा, राजपाल यादव यांनाही जीवे मारण्याच्या धमक्या
मुंबई (Kapil Sharma Death Threat) : प्रसिद्ध विनोदी कलाकार आणि अभिनेता कपिल शर्माबद्दल (Kapil Sharma) एक मोठी बातमी समोर येत आहे. कपिल शर्माला जीवे मारण्याच्या धमक्या मिळाल्याची माहिती आहे. सध्या पोलिस या प्रकरणाचा बारकाईने तपास करत आहेत.
कपिल शर्माला जीवे मारण्याची धमकी मिळाली होती. 16 जानेवारी 2025 रोजी एका अज्ञात व्यक्तीने बॉलिवूड अभिनेता सैफ अली खानच्या घरात घुसून त्याच्यावर 6 वेळा चाकूने हल्ला केला. या प्राणघातक हल्ल्यात अभिनेता गंभीर जखमी झाला. आता (Kapil Sharma) कपिल शर्मावर धोका निर्माण झाला आहे.
VIDEO | Maharashtra: Four prominent Bollywood celebrities, including actor and comedian Kapil Sharma, actor Rajpal Yadav, choreographer Remo D'Souza, and actor-singer Sugandha Mishra have allegedly received threat from Pakistan. Here's what Amboli Police Station senior inspector… pic.twitter.com/LJq2O0JTPd
— Press Trust of India (@PTI_News) January 23, 2025
कपिल शर्माच्या सहकाऱ्यांनाही धमक्या
माहितीनुसार, कपिल शर्मा (Kapil Sharma) व्यतिरिक्त, त्याची सहकारी सुगंधा मिश्रा (Sugandha Mishra), जवळचा मित्र अभिनेता राजपाल यादव (Rajpal Yadav) आणि कोरिओग्राफर आणि दिग्दर्शक रेमो डिसूझा (Remo D’Souza) यांनाही धमकीचे ईमेल आले आहेत. ही बातमी समोर आल्यानंतर मनोरंजन विश्वात पुन्हा एकदा खळबळ उडाली आहे. 22 जानेवारी 2025 रोजी कपिल शर्माला जीवे मारण्याची धमकी मिळाल्याची माहिती आहे. विनोदी कलाकाराला ईमेलद्वारे ही धमकी मिळाली आहे. आता पोलिस या प्रकरणाचा तपास करत आहेत. कपिल शर्माच्या कुटुंबापासून ते त्याच्या चाहत्यांपर्यंत सर्वजण या बातमीने नाराज आहेत.
राजपाल यादव यांची तक्रार दाखल
पोलिसांकडून मिळालेल्या माहितीनुसार, या धमकीच्या संदेशांमध्ये (Kapil Sharma) कपिल शर्माचे कुटुंब आणि जवळच्या सहकाऱ्यांनाही लक्ष्य करण्यात आले आहे. या प्रकरणी राजपाल यादव (Rajpal Yadav) यांनी मुंबई पोलिसांकडे तक्रार दाखल केली आहे, तर (Sugandha Mishra) सुगंधा मिश्रा आणि रेमो डिसूझा (Remo D’Souza) यांनीही या प्रकरणी तक्रार दाखल केली आहे. राजपाल यादव यांच्या पत्नीच्या तक्रारीवरून, अंबोली पोलिसांनी अज्ञात व्यक्तींविरुद्ध बीएनएसच्या कलम 351(3) अंतर्गत एफआयआर दाखल केला.
पाकिस्तानमधून धमकीचे ईमेल पाठवले
तक्रारीच्या आधारे पोलिसांनी तपास सुरू केला आहे. सध्या हे धमकीचे ईमेल पाकिस्तानमधून पाठवण्यात आल्याचे उघड झाले आहे. don99284@gmail.com या ईमेल पत्त्यावर सेलिब्रिटींना धमकीचे ईमेल पाठवण्यात आले आहेत. मेल पाठवणाऱ्याने त्याचे नाव विष्णू बाया असे दिले आहे. ईमेलमध्ये असा दावा करण्यात आला आहे की, तो सेलिब्रिटींच्या अलीकडील हालचालींवर लक्ष ठेवून आहे.
धमकीच्या ईमेलमध्ये काय लिहिले?
- धमकीच्या ईमेलमध्ये असे लिहिले आहे की, आम्ही तुमच्या अलीकडील कृतींवर बारकाईने लक्ष ठेवून आहोत. एक संवेदनशील बाब तुमच्या लक्षात आणून देणे महत्त्वाचे आहे.
- हा काही प्रसिद्धीचा स्टंट नाही किंवा तुम्हाला त्रास देण्याचा प्रयत्न नाही. आम्ही तुम्हाला विनंती करतो की, तुम्ही हा संदेश गांभीर्याने घ्या.
- मागण्या पूर्ण न झाल्यास गंभीर परिणाम भोगावे लागतील अशी (Death Threat) धमकीही ईमेलमध्ये देण्यात आली आहे.
- आठ तासांत उत्तर मागितले आहे आणि इशाराही देण्यात आला आहे. जर आम्हाला कोणतेही उत्तर मिळाले नाही, तर आम्ही असे गृहीत धरू की तुम्ही हे प्रकरण गांभीर्याने घेत नाही आहात आणि आम्ही आवश्यक ती कारवाई करू, असेही लिहिले आहे.
कपिल शर्माने दिली नाही कोणतीही प्रतिक्रिया
कपिल शर्माला (Kapil Sharma) जीवे मारण्याच्या धमक्या मिळाल्याच्या माहितीवर आतापर्यंत विनोदी कलाकाराने किंवा त्याच्या कुटुंबातील कोणत्याही सदस्याने भाष्य केलेले नाही. तसेच कोणतेही अधिकृत विधान करण्यात आलेले नाही.
