Bhool Bhulaiyaa 3 :- बॉलीवूड अभिनेता कार्तिक आर्यनने (Karthik Aryan) त्याच्या जवळपास 13 वर्षांच्या कारकिर्दीत अनेक उत्कृष्ट चित्रपट दिले आहेत आणि आता त्याची गणना हिंदी चित्रपटसृष्टीतील टॉप स्टार्समध्ये केली जाते. कार्तिक आर्यनने आपल्या अभिनयाने आणि लूकने चाहत्यांना वेड लावले आहे.
कार्तिक आर्यनने आपल्या अभिनयाने आणि लूकने चाहत्यांना वेड लावले
कार्तिक आर्यन शेवटचा ‘चंदू चॅम्पियन’ या चित्रपटात मोठ्या पडद्यावर दिसला होता. हा चित्रपट बॉक्स ऑफिसवर यशस्वी ठरला नाही पण कार्तिक आर्यनचे काम आणि त्याचा अभिनय खूप आवडला. आता कार्तिकचे चाहते त्याच्या आगामी ‘भूल भुलैया 3’ या चित्रपटाची आतुरतेने वाट पाहत आहेत. हा चित्रपट लवकरच प्रदर्शित होणार आहे. याआधी कार्तिकने चित्रपटाचे पहिले पोस्टर सोशल मीडियावर शेअर केले आहे.
कार्तिक आर्यन म्हणाला – या दिवाळीत दार उघडेल
प्रेक्षक कार्तिक आर्यनच्या ‘भूल भुलैया 3’ या चित्रपटाची प्रतीक्षा करत आहेत. कार्तिक आर्यनचा ‘भूल भुलैया 2’ सुपरहिट ठरला. यानंतर आता ‘भूल भुलैया 3’चीही जोरदार चर्चा आहे. कार्तिकने इंस्टाग्रामवर चित्रपटाच्या नवीन पोस्टरची झलक शेअर केली आहे. त्याने इंस्टाग्रामवर(Instagram) शेअर केलेल्या पोस्टरमध्ये (Poster)एक मोठा दरवाजा दिसत असून तो लॉक आहे. यासोबत अभिनेत्याने एक मजेदार कॅप्शनही दिले आहे. कार्तिकने पोस्टसोबत लिहिले आहे, ‘या दिवाळीत दार उघडेल, भूल भुलैया 3.’
