कुरखेडा (Kurkheda Crime) : तालूक्यातील सोनसरी येथील (Woman Police Patil) महिला पोलीस पाटील याना कर्तव्य बजावत असताना मज्जाव करीत हूज्जत घालत मारहाण करणाऱ्या दोन आरोपीना अटक करण्यात येत न्यायालयाने त्यांची रवानगी कारागृहात केली आहे.
सोनसरी येथील तलावात मागील महिन्यात एका इसमाचा बूडून मृत्यु झाला होता. सदर माहिती मिळताच (Woman Police Patil) महिला पोलीस पाटील वालदे व कोतवाल फिरोज हलामी घटणास्थळाकडे जात असताना, गावातीलच आरोपी दिलीप बाबूराव मडावी वय ४१ व महेश दिलीप मडावी वय २२ या बापलेकानी तिला रस्त्यातच गाठत ‘तू गावातील माहीती पोलीसाना देते ‘असे म्हणत, अश्लील शब्दात शिवीगाळ करीत मारहाण केली. अशी तक्रार तिने (Kurkheda Police) कूरखेडा पोलीस स्टेशन येथे दाखल केली होती.
या तक्रारीवरून आरोपी विरोधात भादंवि ३५३, ३३२, २९४, ५०४, ३४ अन्वये गून्हा दाखल करण्यात आला होता. मात्र आरोपी फरार होते सदर आरोपींचा गोपनीय माहीती आधारे शोध घेत अटक करण्यात येत, न्यायालयात हजर करण्यात आले. न्यायालयाने त्यांची रवानगी न्यायालयीन कोठडीत (Chandrapur Jail) चंद्रपूर कारागृहात केली आहे. सदर कार्यवाही ठाणेदार रेवचंद सिंगनजूडे यांचा नेतृत्वात (Kurkheda Police) सहाय्यक पोलीस निरीक्षक दिनेश गावंडे, हवालदार शेखलाल मडावी यानी केली.
