मानोरा (Manora) :- अवैधरीत्या गौण खनिज (minor mineral) मिळविण्याच्या हवासापोटी तस्कराकडून सध्या ३० पेक्षा अधिक गाव भोवतालची जमीन जेसीबी मशीनने पोखरली जात आहे. त्यामुळे पर्यावरणाचा ऱ्हास होऊन हानी होत आहे. सोबतच महसुलावर खनिज तस्कराकडून डल्ला मारला जात असुन प्रशासकीय यंत्रणेने मात्र या गंभीर प्रकाराकडे कानाडोळा होत असल्याचा आरोप निसर्ग प्रेमी कडून केला जात आहे.
सबंधित अधिकाऱ्यांचे दुर्लक्ष, अवैध वाहतूक सुसाट
शहरातील विविध भागात व तालुक्यातील ग्रामीण भागातून दैनंदीन शंभर ते दिडशे ट्रॅक्टरद्वारे मुरूम आणि अन्य गौण खनिजाची अवैध वाहतूक सुरू असुन सबंधित पैकी एकाकडेही कोणत्याही प्रकारचे अधिकृत परवाना नसल्याचे दिसून येत आहे. खनिज तस्कर बिनधास्तपणे जेसीबी आणि इतर यंत्र सामुग्री वापरून राजरोसपणे खुलेआम उत्खनन करीत आहे. विशेष बाब म्हणजे अनेक ठिकाणी एकाच रॉयल्टीवर कित्येक ठिकाणी उत्खनन करून महसूल बुडविण्याचा प्रकार दिवसाढवळ्या सुरू आहे. महसूल विभाग व स्थानिक प्रशासन याकडे कानाडोळा करीत असल्याचा निदर्शनास येत आहे.