तारापूर शक्तिपीठ अधिक वैभवशाली करण्याचा केला संकल्प!
बुलडाणा (MLA Sanjay Gaikwad) : मोताळा तालुक्यातील सुप्रसिद्ध शक्तिपीठ श्रीक्षेत्र अंबादेवी संस्थान, तारापूर येथे नवरात्रोत्सवानिमित्त भव्य महाआरतीचे आयोजन आज रविवार 28 सप्टेंबर रोजी गायकवाड कुटुंबीयांकडून झाले. या सोहळ्यात आ. संजय गायकवाड (MLA Sanjay Gaikwad) यांनी सहकुटुंब उपस्थित राहत आदिशक्ती अंबादेवीची महाआरती केली तसेच भाविकांसह पारंपरिक महाप्रसादाचा लाभ घेतला.
मंदिर समितीतर्फे आ. संजय गायकवाड (MLA Sanjay Gaikwad) व सौ. पुजाताई गायकवाड यांचा सत्कार करण्यात आला. या प्रसंगी उपस्थितांना संबोधित करताना तारापूर व अंबादेवी संस्थान परिसरात आमदार निधीतून केलेल्या विकासकामांचा आढावा घेत आ. संजूभाऊंनी भाविकांसाठी सोयीसुविधा उपलब्ध करून हे शक्तिपीठ अधिक वैभवशाली करण्याचा संकल्प असल्याचे सांगितले. तसेच अतिवृष्टीमुळे शेतकरी राजावर आलेले संकट दूर व्हावे आणि माझा बळीराजा सुखी-समृद्ध व्हावा, अशी मनोभावे प्रार्थना त्यांनी केली.
या सोहळ्यात माजी नगराध्यक्ष सौ. पुजाताई संजय गायकवाड (MLA Sanjay Gaikwad) , युवानेते मृत्युंजय संजय गायकवाड, सौ. मयुरी मृत्युंजय गायकवाड, चि. धर्मवीरा मृत्युंजय गायकवाड, जिल्हाप्रमुख ओमसिंग राजपूत, प्रवीण निमकर्डे, प्रवीण जाधव, बाळासाहेब नारखेडे, प्रा. गणेश बस्सी, ज्ञानेश्वर वाघ, धनराज जाधव, दादाराव जाधव, दरबारसिंग मेढकर, नितेश येरवाळ, अंकुश मेलढे, जवानसिंग नाईक, प्रभाकर पाटील, प्रशांत दयाळ, सरदार रबडे, विकास जाधव, अतुल जाधव, आश्विन जाधव, संतोष जाधव यांच्यासह मान्यवर व हजारो भाविक उपस्थित होते.
