मुंबई (Jan Arogya Yojana) : महाराष्ट्रात राहणाऱ्या गरीब आणि दुर्बल घटकांसाठी आनंदाची माहिती समोर आली आहे. महाराष्ट्रातील गरीब आणि दुर्बल घटकांसाठी महात्मा ज्योतिबा फुले जन आरोग्य योजना राबविण्यात येत आहे. या (Arogya Yojana) योजनेअंतर्गत त्यांना उत्तम आरोग्य सेवा मिळू शकणार आहे. या योजनेंतर्गत राज्यातील सर्व शासकीय रुग्णालयांमध्ये नागरिकांना मोफत उपचार दिले जात आहेत. शिंदे सरकारच्या या योजनेचा गरीब व गरजू रुग्णांना लाभ मिळावा, हा उद्देश आहे. त्यामुळे त्यांच्या उपचारावर खर्च होणारा पैसाही वाचणार आहे. मुलींच्या लग्नासाठी सरकार देणार पैसे
महाराष्ट्राचे आरोग्य मंत्री म्हणाले की, आता राज्यातील (Maharashtra Hospital) शासकीय रुग्णालयांमध्ये सर्व प्रकारचे उपचार मोफत केले जात आहेत. (Health Department) सार्वजनिक आरोग्य विभागांतर्गत 2,418 संस्था आहेत. प्राथमिक आरोग्य केंद्र, ग्रामीण रुग्णालय, महिला रुग्णालय, जिल्हा सामान्य रुग्णालय, उपजिल्हा रुग्णालय, संदर्भ सेवा रुग्णालय आणि कर्करोग रुग्णालय येथे नागरिकांना मोफत उपचार मिळणार आहेत.
सध्या या सुविधांमध्ये दरवर्षी 2.55 कोटी नागरिक उपचार घेतात. मोफत आरोग्य सेवा (Health care) देऊन ही संख्या वाढवण्याचे महाराष्ट्र सरकारचे उद्दिष्ट आहे. गेल्या वर्षी जूनमध्येच महाराष्ट्र सरकारने महात्मा ज्योतिबा फुले जन आरोग्य योजनेची (Arogya Yojana) व्याप्ती वाढवण्याची घोषणा केली होती. कव्हरेज मर्यादा 2 लाख रुपयांवरून 5 लाख रुपये करण्यात आली आहे. आता या योजनेचा लाभ राज्यातील सर्व नागरिकांना मिळणार आहे.
यापूर्वी या (Arogya Yojana) योजनेचा लाभ पिवळा शिधापत्रिकाधारक, अंत्योदय अन्न योजना शिधापत्रिकाधारक, अन्नपूर्णा शिधापत्रिकाधारक व केशरी शिधापत्रिकाधारकांना मिळत होता. यामध्ये कृषी संकटाचा सामना करणाऱ्या 14 जिल्ह्यांतील पांढरे शिधापत्रिकाधारक शेतकरी कुटुंबांचाही समावेश करण्यात आला आहे. मंत्रिमंडळाच्या मान्यतेने, आता सर्व नागरिकांना या योजनेचा लाभ मिळणार आहे. संपूर्ण महाराष्ट्रात आरोग्य सेवांचा (Health care) व्यापक प्रवेश सुनिश्चित होणार आहे.
