आखाडा बाळापूर/हिंगोली (Maratha Suicide Case) : कळमनुरी तालुक्यातील शेवाळा येथे मराठा समाजाला आरक्षण भेटण्याच्या मागणीसाठी एकाने मंगळवारी रात्री उशिरा गळफास लावून आत्महत्या केली बुधवार रोजी पहाटे तिन वाजता सदर प्रकार लक्षात आला.
याबाबत मिळालेल्या माहितीनुसार, कळमनुरी तालुक्यातील शेवाळा येथील मोहन रामराव सावंत (वय ४९) यांनी मंगळवारी रात्री घरात सगळे झोपले असता मध्यरात्री नंतर घरातील झोक्याच्या दोरीने गळफास घेऊन (Maratha Suicide Case) आत्महत्या केली. पहाटे तिन साडेतीन वाजता सदर प्रकार लक्षात आला. मयताच्या जवळ मराठा आरक्षणाच्या मागणीसाठी आत्महत्या करीत असल्याचे चिठ्ठी आढळून आली असल्याचे पोलीस सूत्रांनी सांगितले. पहाटे घटनास्थळी पोलीस उपनिरीक्षक बालाजी गोणारकर, राजीव जाधव, चालक विजय जाधव पोलीस पथकाने भेट दिली. आखाडा बाळापूर ग्रामीण रुग्णालयात बुधवारी सकाळी शव शवविच्छेदन करण्यात आले.
कळमनुरी तालुक्यात आरक्षणासाठी आत्महत्या
सकल मराठा समाजाला आरक्षण देण्याच्या मागणीसाठी शेवाळा, देवजना, कान्हेगाव, डोंगरगावपुल, येहळेगाव तुकाराम, सिंदगी, डिग्रस व इतर भागात अनेक आत्महत्या (Maratha Suicide Case) झालेल्या आहेत.
