Babhulgaon :- तालुक्यातील वाटखेड खुर्द नजीक असलेल्या मुस्ताबाद येथील रहिवासी किसन दादाजी राउत यांच्या घरात स्वयंपाक करताना गॅस (Gas) पाईपमध्ये होणार्या लिकेजमुळे आगीचा भडका उडाला. हि घटना १ डिसेंबर रोजी सकाळी ९ वाजताचे दरम्यान घडली.
घरातील चार लाखाचा मुद्देमाल जळून खाक
अचानक लागलेल्या आगीने तत्काळ रौद्ररूप धरण केले. व आग संपूर्ण घरात पसरली.आगीत घरातील वस्तू व भांडी, अन्न, धान्य, यांचेसह सोन्याचे दागिने तसेच रोख रक्कम असा एकूण सुमारे ४ लाख रुपयांचा मुद्देमाल जळून खाक झाला. या घटनेत सुदैवाने कोणतीही जीवितहानी झाली नाही. घटनेची माहिती मिळताच पोलिस विभागाकडून (Police department) यवतमाळ येथून अग्निशामक दलाची (fire brigade) गाडी बोलवण्यात आली. तोवर गावकर्यांच्या मदतीने आग विझविण्याचे प्रयत्न सुरु होते.
सोयाबीन विकून आणलेले सुमारे २ लाख रुपये सुद्धा आगीत पूर्णपणे जळाले
मुस्ताबाद हे गाव अल्प लोकवस्तीचे गाव असून मुख्य रस्त्यापासून थोडे दूर आहे. किसन दादाजी राउत यांनी घरातील स्वयंपाकाचे सिलेंडर संपल्याने आजच सिलेंडर (cylinder) भरून आणले होते. सिलेंडर लावल्यानंतर सुरु केल्यावर ते लिकेज असल्याने लगेच पाईपने पेट घेतला. या प्रकारामुळे घाबरलेली घरातील मंडळी बाहेर निघाली. विशेष म्हणजे किसन राउत यांनी सोयाबीन विकून आणलेले सुमारे २ लाख रुपये सुद्धा आगीत पूर्णपणे जळाले. या दुर्घटनेमुळे गावात भीतीचे वातावरण निर्माण झाले होते. आगीत किसन दादाजी राउत यांचे होत्याचे नव्हते झाले असून मोठे आर्थिक नुकसान झाले आहे.
घटनास्थळी महसूल विभागाच्या (Revenue Division) अधिकार्यांनी पाहणी करून अहवाल वरिष्टांना पाठविला आहे. सद्यस्थितीत या कुटुंबाला महसूल प्रशासनाकडून अन्न, धान्याचा पुरवठा केल्याची माहिती प्रशासनाने दिली आहे. नुकसान भरपाईसाठी किसन दादाजी राउत यांनी प्रशासनाकडे मदतीची मागणी केली आहे. पंचायत समिती कडून सदर घटनेचा पुढील तपास करण्यात येत आहे.
