पुसद (Madhavrao Vaidya) : येथील आदिवासी समाजाचे नेते राष्ट्रवादी काँग्रेस पक्षाचे तालुकाध्यक्ष ( शरद पवार गट ) माधवराव वैद्य (Madhavrao Vaidya) यांच्या मातोश्री देवकाबाई रुखमाजी वैद्य यांचे वयाच्या 92 वर्षी दि. 19 ऑगस्ट रोजी दुःखद निधन झाले. महागाव तालुक्यातील बिजोरा येथील रहिवासी माजी सामाजिक न्याय विभाग उपायुक्त माधवराव वैद्य यांच्या त्या मातोश्री होत. यावेळी श्रद्धांजली अर्पण करताना माजी मंत्री एड. शिवाजीराव मोघे हे म्हणाले की, अत्यंत हलाखीच्या परिस्थितीवर मात करून सुसंस्कृत कुटुंब मातोश्री देवकाबाईने घडविले त्यांचा आदर्श समाज बांधवांनी घेतला पाहिजे आई वडिलांची शिकवण घेऊन माधवराव वैद्य (Madhavrao Vaidya) हे राज्यांच्या सामाजिक न्याय विभागाचे मोठे अधिकारी पद भूषविले ही शिक्षणाची किमया आहे. आणि वैद्य आई वडिलांची मेहनत आहे.
असे भावनिक उद्धार श्रद्धांजलीपर भाषणात माजी मंत्री एड. शिवाजीराव मोघे यांनी काढले यावेळी उमरखेड महागाव विधानसभा मतदारसंघाचे आ. नामदेवराव ससाने यांनी सुद्धा श्रद्धांजलीपर मनोगत व्यक्त करताना म्हणाले की, आईचा आदर्श समाजाला दिशा देणारा आहे. समाजाने आदर्श आत्मसात केला पाहिजे असे उदगार काढले यावेळी राष्ट्रवादी काँग्रेस पार्टी शरद चंद्र पवार पक्षाचे लिगल सेलचे प्रदेशाध्यक्ष एड. आशिष देशमुख सांत्वन पर भेटी प्रसंगी उपस्थित होते .उमरखेड विधानसभा क्षेत्राचे माजी आ. उत्तमराव इंगळे, माजी आ. राजेंद्र नजरधने, देविदास मोहकर, प्रा. सुरेश धनवे ,परसराम डवरे, नारायण घुमनर व असंख्य गावकरी उपस्थित होते. त्यांच्या जाण्याने बिजोरावासीयांवर दुःखाची शोककळा पसरली. त्यांच्या पश्चात तीन मुले, सुना व नातवंड असा बराच मोठा आप्तपरिवार आहे.
