Mayor Reservation: नगराध्यक्षपदाचे आरक्षण ‘ओपन’! पातुरमध्ये राजकीय वातावरण तापले, अनेक ‘इच्छुक’ रिंगणात

नोव्हेंबरमध्ये ‘विकासा’वर की ‘अर्थकारणा’वर शिक्कामोर्तब?

पातूर (Mayor Reservation) : राज्य निवडणूक आयोगाने जाहीर केलेल्या नगराध्यक्षपदाच्या आरक्षण सोडतीनुसार, पातुर नगर परिषदेचे नगराध्यक्षपद खुला सर्वसाधारण (Open General) प्रवर्गासाठी आरक्षित झाले आहे. अकोला जिल्ह्यातील अनेक नगर परिषदांमध्ये महिला किंवा इतर प्रवर्गासाठी आरक्षण पडले असताना, पातुरमध्ये थेट खुल्या स्पर्धेची आणि चुरशीची लढत पाहायला मिळणार आहे. (Mayor Reservation) नगराध्यक्षपदाच्या या खुल्या आरक्षणामुळे पातुर शहराचे राजकीय वातावरण चांगलेच ढवळून निघाले असून, अनेक ‘इच्छुक’ उमेदवार रिंगणात उतरण्यासाठी सज्ज झाले आहेत.

पाणीप्रश्न आणि ‘विकासा’पेक्षा ‘अर्थकारण’ प्रभावी ठरणार?

पातुर शहराला अनेक मूलभूत समस्यांनी ग्रासले आहे. (Mayor Reservation) नागरिकांना पाणीपुरवठा, रस्त्यांची दुरवस्था आणि गटार व्यवस्था यांसारख्या प्रश्नांना आजही सामोरे जावे लागत आहे. पातुरच्या नागरिकांमध्ये स्थानिक प्रशासनाच्या उदासीनतेबद्दल तीव्र रोष दिसून येत आहे. राजकीय विश्लेषकांच्या मते, या निवडणुकीत विकासाच्या मुद्यांपेक्षा ‘पैशाचे राजकारण’ अधिक प्रभावी ठरण्याची शक्यता आहे. खुल्या आरक्षणाने अनेक आर्थिकदृष्ट्या मजबूत असलेले ‘बाहुबली’ उमेदवार रिंगणात उतरण्यासाठी सज्ज झाले आहेत. “ज्याच्याकडे आर्थिक ताकद जास्त, त्याचीच निवड होण्याची शक्यता अधिक,” अशी चर्चा शहरभर सुरू आहे.

नोव्हेंबरमध्ये पातुरच्या भविष्याचा फैसला

प्राथमिक अंदाजानुसार, (Mayor Reservation) पातुर नगर परिषदेसाठी नोव्हेंबरच्या शेवटच्या आठवड्यात मतदान होण्याची शक्यता आहे. खुल्या आरक्षणामुळे अनेक नवीन चेहरे आणि प्रस्थापित नेत्यांमध्ये ही निवडणूक एक मोठी प्रतिष्ठा आणि अस्तित्वाची लढाई ठरणार आहे. नगराध्यक्षपदाच्या या निर्णायक निवडणुकीत पातुरचे मतदार विकासाला मत देतात की ‘अर्थकारणा’ला, हे पाहणे महत्त्वाचे ठरेल. येत्या नोव्हेंबर महिन्यात पातुरच्या राजकीय भविष्याचा फैसला होणार आहे