तेलंगणा राज्यातील मुलुगु येथे भूकंपाचा केंद्रबिंदू
चंद्रपूर (Chandrapur) :- तेलंगणा राज्यातील मुलुगु येथे आज सकाळी ७ वाजून २७ मिनिटांनी भूकंप (earthquake) झाला आहे. याचे सौम्य धक्के चंद्रपूर जिल्ह्यात जाणवले आहे. या भूकंपची तीव्रता रिष्टर स्केल वर ५.३ अशी नोंदविण्यात आलेली आहे. अशा प्रकारचे धक्के पुन्हा जाणवल्यास नागरिकांनी दक्षता घ्यावी व घाबरून न जाता इमारती बाहेर मोकळ्या जागेत सुरक्षित स्थळी आश्रय घ्यावा, असे आवाहन जिल्हाधिकारी श्री. विनय गौडा यांनी केले आहे.
गडचिरोली जिल्ह्यातही जाणवले सौम्य धक्के
जिल्ह्यातील अनेक भागात आज 4 डिसेंबर रोजी सकाळी 7.26 मिनिटांनी भूकंपाचे धक्के जाणवले. यावेळी अनेकांच्या घरातील खिडक्या हलल्या तर काहींच्या घरातील भांडे देखील खाली पडले. भूकंपाचे धक्के जाणवताच नागरिकांनी घराबाहेर पडत मोकळ्या मैदानात धाव घेतली. भूकंपाचे केंद्रबिंदू हे तेलंगणा राज्यातील मुलुगु येथे असल्याची माहिती असून भूकंपाची तीव्रता 5.3 रेस्टर स्केल आहे. नागरिकांनी उचित काळजी घेण्याचे आवाहन प्रशासनातर्फे करण्यात आले आहे.