मुंबई(Mumbai):- आज महाराष्ट्र विधान परिषदेत इंग्रजांच्या काळापासून प्रचलित असलेल्या मुंबईतील रेल्वे स्थानकांच्या(Railway stations) नावावर राज्य सरकारने वरवंटा फिरवला. विदेशी पाऊलखुणा मिटवण्याचा प्रयत्न यावरून दिसून येतो. दरम्यान, आज मांडलेल्या ठरावामुळे मध्य रेल्वे, पश्चिम रेल्वे आणि हार्बर रेल्वे मिळून सात स्थानकांची सध्याची नावे बदलून नवी नावे मिळणार आहेत.
सात रेल्वे स्थानकांची नावे बदलली
मंत्री दादा भुसे यांनी विधान परिषद (Legislative Council)अधिनियम 106 अन्वये मुंबई आणि परिसरातील रेल्वे स्थानकांची नावे बदलण्याचा ठराव सभागृहात मांडला. उपसभापती नीलम गोऱ्हे यांनी प्रस्ताव मंजुरीसाठी सभागृहात मतदानासाठी ठेवला. सभागृहाने आवाजी मतदानाने हा ठराव मान्य केला. हा प्रस्ताव आता केंद्र सरकारकडे(Central Govt) मंजुरीसाठी पाठविण्यात येईल. सदरहू प्रस्ताव केंद्र शासनाने मंजूर केल्यानंतर प्रस्तावित रेल्वे स्थानकांची नावे बदलली जातील.
अशी असतील बदललेली नावे
विधान परिषदेत मंजूर झालेल्या ठरावानुसार आता करी रोड लालबाग नावाने, स्यांडहर्स्ट रोड डोंगरी रेल्वे नावाने, मरीन लाइन्स मुंबादेवी नावाने, चर्नी रोड गिरगाव नावाने ओळखले जाईल. त्याचबरोबर कॉटन ग्रीन रेल्वे स्थानकाचे नाव आता काळा चौकी, डॉक यार्ड रोडचे नाव माझगाव तर किंग्ज सर्कल चे नाव तीर्थंकर पार्श्वनाथ रेल्वेस्थानक असे होणार आहे.
