- नाल्यांवरील पुलांवर लोखंडी कठडे आणि जाळ्या लावण्यात आल्या
नागपूर (Nagpur) : शहरातून वाहणार्‍या नाल्यांच्या पुलांवर लोखंडी जाळी लावण्याचा महत्वाकांक्षी निर्णय नागपूर महापालिकेद्वारे (Nagpur Municipal Corporation) घेण्यात आलेला आहे. पुलावरून कुणीही नाल्यांमध्ये कचरा टाकू नये यासाठी उपाययोजना म्हणून दहाही झोनअंतर्गत नाल्यांच्या पुलांवर दोन्ही बाजूला लोखंडी कठडे, जाळी लावण्यात येणार आहे. मनपा प्रशासक (Municipal Administrator) डॉ. अभिजीत चौधरी यांच्या निर्देशानुसार शहरातील दहाही झोनमधून नाल्यांवरील ५८ ठिकाणे निश्चित करण्यात आले आहेत. या पूलांवर जाळी लावण्याचे काम सुरू करण्यात येत आहे. पूलांवरून मोठ्या प्रमाणात कचरा नाल्यांमध्ये टाकला जातो. त्यामुळे वाहणार्‍या पाण्याला अडथळा निर्माण होतो. या समस्येवर उपाय म्हणून महापालिकेद्वारे दहाही झोनमधील नाल्यांच्या ५८ पुलांवर दोन्ही बाजूला मजबूत लोखंडी कठडे आणि त्यावर जाळी लावण्यात येत आहे.लक्ष्मीनगर झोनअंतर्गत खामला चौक, सहकारनगर घाट यासह एकूण ५ ठिकाणी सुरक्षा जाळी लावली जाणार आहे.
शिवाय धरमपेठ (Dharampet) झोनमधील अंबाझरी ओव्हरफ्लो, यशवंत स्टेडियम (Yashwant Stadium) नाग नदी, भोले पेट्रोल पम्प जवळील नाला यासह एकूण ११ ठिकाणी, हनुमान नगर झोनमधील मानेवाडा घाट बेसा रोड यासह एकूण ५ ठिकाणी, धंतोली झोनमधील नरेंद्र नगर चौक, सरदार पटेल चौक घाट रोड यासह एकूण ७ ठिकाणी, नेहरू नगर झोनमधील जगनाडे चौक नाला यासह एकूण ४ ठिकाणी, गांधीबाग झोनमधील गंगाबाई घाट पुलासह एकूण ५ ठिकाणी, सतरंजीपुरा झोनमधील शांतीनगर नाला जैन मंदिर जवळ यासह एकूण ५ ठिकाणी, लकडगंज झोनमधील कृषी विद्यापीठासह (Agricultural University) एकूण ५ ठिकाणी, आशीनगर झोनमधील अशोक चौक नाला यासह ६ ठिकाणी आणि मंगळवारी झोनमधील पोलिस तलाव चौक सह ५ ठिकाणी सुरक्षा जाळी लावण्यात येणार आहे.
