नांदेड (Nanded):- अवयव दान दिनानिमित्त डॉ. शंकराव चव्हाण शासकीय वैद्यकीय महाविद्यालय (Government Medical College) व रुग्णालयाच्या वतीने आज शनिवारी सकाळी नांदेड शहरातील आयटीआय(ITI) ते जिल्हाधिकारी कार्यालयपर्यंत अवयवदान जनजागृती रॅली काढण्यात आली होती.
या अवयवदान जनजागृती रॅलीस जिल्हाधिकारी अभिजीत राऊत, नांदेड परिक्षेत्राचे पोलीस उपमहानिरीक्षक शहाजी उमाप, जिल्हा पोलीस अधीक्षक श्रीकृष्ण कोकाटे, मनपा आयुक्त डॉ. महेशकुमार डोईफोडे यांच्या हस्ते हिरवी झेंडी दाखवून शुभारंभ करण्यात आला. या रॅलीस आरोग्य विभागातील डॉक्टर्स, अधिकारी, कर्मचारी तसेच जिल्ह्यातील अनेक महाविद्यालयांच्या विद्यार्थी विद्यार्थिनींची मोठ्या संख्येने उपस्थिती होती.
