मोक्का प्रकरणात मिळाला होता जामीन
गोळीबार करून घेतले होते ताब्यात
नांदेड (Nanded Mokka case) : मोक्का प्रकरणातील आरोपीस ताब्यात घेण्यासाठी गेलेल्या पोलिसांवर गोळीबार करण्याचा प्रयत्न करत असताना प्रत्युत्तरादाखल गोळीबार करत नांदेड ग्रामीण पोलिसांनी आरोपीस ३ जून रोजी सायंकाळी विष्णुपुरी भागात ताब्यात घेतले होते. (Nanded Mokka case) त्याच्यावर रुग्णालयात उपचार केल्यानंतर पोलिस निरीक्षक ओमकांत चिंचोलकर यांनी आज २० जून रोजी विष्णुपुरी भागातील मुख्य रस्त्यावरून धिंड काढली.
प्रभाकर हंबर्डे या आरोपीस (Nanded Mokka case) मोक्का अंतर्गत कारागृहात रवानगी करण्यात आली होती. त्याची जामिनावर सुटका झाल्यानंतर त्याच्या विरुद्ध पुन्हा ३०७ नुसार गुन्हा दाखल झाल्यापासून तो फरार होता.सदर आरोपी प्रभाकर हंबर्डे हा विष्णुपुरी भागात आल्याची माहिती नांदेड ग्रामीण पोलिसांना मिळाली. त्यानंतर पोलिस अधीक्षक अबिनाश कुमार यांच्या आदेशावरून उपविभागीय पोलिस अधिकारी सुशीलकुमार नायक यांच्या मार्गदर्शनाखाली पो.नि. ओमकांत चिंचोलकर व त्यांचे कर्मचारी घटनास्थळी दाखल झाले असता आरोपीने पोलिसांना पाहून पोलिसांवर पिस्तूलमधून गोळी झाडण्याचा प्रयत्न केला असता पोलिसांनी आरोपीवर गोळीबार केला.
या (Nanded Mokka case) घटनेत आरोपीच्या पायात गोळी घुसल्याने तो जखमी होऊन जागेवरच कोसळल्यानंतर पोलिसांनी त्यास ताब्यात घेऊन पुढील उपचारासाठी विष्णुपुरी येथील शासकीय रुग्णालयात दाखल केले असून त्याच्याकडील पिस्तूल जप्त केले आहे. दरम्यान रुग्णालयात उपचार पूर्ण झाल्यानंतर ग्रामीण ठाण्याचे पोनि ओमकांत चिंचोलकर यांनी २० जून रोजी विष्णुपुरी येथील मुख्य मार्गावरून धिंड काढली, यावेळी पाहण्यासाठी नागरिकांनी प्रचंड गर्दी केली होती.
