नांदगाव (Nandgaon Accident) : वडजी (ता.भडगाव) येथे भावाच्या वास्तूशांतीच्या कार्यक्रमासाठी निघालेल्या मायलेकी, मुलगा आणि नातवावर काळाने झडप घातली असून (Nandgaon Accident) नांदगाव – संभाजी नगर महामार्गावर कार व बस यांच्यात झालेल्या अपघातात पळसे नाशिक येथील आई, मुलगा आणि मुलगी असे तीघेजण जागीच ठार झाले तर तीन वर्षाचे बाळ जखमी झाले आहेत.
अपघात आज सकाळी १०.३० वाजेच्या सुमारास गंगाधरी गावाजवळ झाला. यामध्ये ३ वर्षाचा मुलगा सुदैवाने बचावला आहे. त्यास पुढील उपचारासाठी मालेगाव (Malegaon Hospital) येथे पाठविण्यात आले आहे. याबाबत अधिक माहिती अशी की, पळसे, नाशिक येथून निकिता मनोज शिदे,(२२) शुभम संतोष ललवाडे (२०), वंदना संतोष ललवाडे (४०) वेदांत मनोज शिंदे (३) रा. पळसे नाशिक हे कारने (क्र. एमएच १५ -सी. डी.२०५७) भडगांव येथील विश्वानाथ फकिरा पाटील यांच्याकडे वास्तुशांतीच्या कार्यक्रमास जात असतांना (Nandgaon Crime) नांदगाव शहरालगत असलेल्या गंगाधरी शिवारात पेट्रोल पंप जवळ त्यांच्या कारला समोरून आलेल्या चाळीसगाव -मनमाड बस (क्र. एम एच. १४- बी.टी. ४४९८ )ओव्हरटेक करीत असतांना जोरदार धडक दिली.
धडक एवढी भीषण होती की कारचा अक्षरशः चक्काचुर झाला. या (Nandgaon Accident) अपघातात निकिता मनोज शिदे,(२२) शुभम संतोष ललवाडे (२३), वंदना संतोष ललवाडे (४०) हे जागीच ठार झाले. गॅस कटरच्या सहाय्याने गाडी कट करून मृतदेह बाहेर काढण्यात आले. या घटनेची माहिती मिळताच सहा. पोलीस निरीक्षक सुनील बढे, आमदार सुहास कांदे यांनी तात्काळ घटनास्थळी धाव घेत मदत केली. विश्वनाथ पाटील यांच्या फिर्यादीवरून (Nandgaon police) पोलिसांनी गुन्हा दाखल केला असून सहा. पोलीस निरीक्षक सुनील बढे अधिक तपास करीत आहेत.
