वसमत(Hingoli):- विधानसभा मतदार संघात महायुतीकडून विद्यमान आमदार राजू पाटील नवघरे यांना उमेदवारी जाहीर झाली आहे राष्ट्रवादी अजित पवार (Ajit Pawar)गटाकडून त्यांना पुन्हा एकदा संधी देण्यात आली आहे त्यांची उमेदवारी जाहीर झाल्याने कार्यकर्त्यांनी जल्लोष केला.
उमेदवारी अर्ज भरण्यास सुरुवात
वसमत विधानसभा(Assembly) मतदारसंघात प्रचाराची रनधुमाळी सुरू झाली आहे. उमेदवारी अर्ज भरण्यास सुरुवात झाली आहे. राष्ट्रवादी काँग्रेस अजित पवार गटाने उमेदवारांची घोषणा केली आहे. त्यात वसमत विधानसभा मतदार संघात विद्यमान आमदार चंद्रकांत उर्फ राजू पाटील नवघरे यांना पुन्हा एकदा संधी देण्यात आल्याची घोषणा करण्यात आली आहे. महायुतीकडून राजू पाटील नवघरे हे मैदानात राहणार असल्याचे स्पष्ट झाले आहे. मतदार संघात राजकीय पक्षाचा पहिला उमेदवार जाहीर होण्याचा मान राजू नवघरे यांना मिळाला आहे. उमेदवारी जाहीर झाल्यामुळे पक्षाच्या कार्यकर्त्यांनी त्यांचे स्वागत केले व जल्लोष केला.