NEET UG 2025: नॅशनल टेस्टिंग एजन्सी (NTA) ने एक महत्त्वाचा निर्णय घेतला आहे. या वर्षी जे NEET UG परीक्षा देणार आहेत त्यांना यावेळी ऑफलाइन पेन आणि पेपर मोडमध्ये परीक्षा द्यावी लागेल. अधिकृत अधिसूचनेत म्हटले आहे की, ‘राष्ट्रीय वैद्यकीय आयोगाने (NMC) घेतलेल्या निर्णयानुसार, NEET (UG) 2025 पेन आणि पेपर मोडमध्ये (OMR आधारित) एका दिवसात आणि एका शिफ्टमध्ये घेण्यात येईल. त्याच्या आधीच्या अधिसूचनेत, NTA ने NEET UG नोंदणी आणि परीक्षा प्रक्रिया सुलभ करण्यासाठी काही मोठे बदल जाहीर केले. उच्च शिक्षण विभागाने जारी केलेल्या निर्देशानुसार, पारदर्शकता, सुरक्षा आणि कार्यक्षमता सुनिश्चित करण्यासाठी हे पाऊल उचलण्यात आले आहे.
https://x.com/NTA_Exams/status/1879855982924476565?mx=2
हा निर्णय राष्ट्रीय वैद्यकीय आयोगाने (NMC) घालून दिलेल्या मार्गदर्शक तत्त्वांनुसार आहे. गेल्या महिन्यात, शिक्षण आणि आरोग्य मंत्रालयाने सांगितले की, ‘2025 साठी NEET-UG वैद्यकीय प्रवेश परीक्षा पेन-आणि-पेपर मोडमध्ये किंवा संगणक-आधारित चाचणी (CBT) मोडमध्ये घेतली जाईल की नाही हे त्यांना आता ठरवायचे आहे?
यासाठी NTA ने उमेदवारांना अर्ज आणि परीक्षा प्रक्रियेदरम्यान त्यांचा APAAR आयडी तसेच आधार-आधारित प्रमाणीकरण वापरण्यास सांगितले आहे. पुढे, एजन्सी उमेदवारांना त्यांच्या 10वी गुणपत्रिका/उतीर्ण प्रमाणपत्रानुसार आधार क्रेडेंशियल अपडेट करण्याची विनंती करत आहे.
NTA ने असेही जाहीर केले की कायद्याच्या अंतर्गत शासित असलेल्या सर्व वैद्यकीय संस्थांमध्ये भारतीय वैद्यक प्रणालीच्या BAMS, BUMS आणि BSMS अभ्यासक्रमांसह प्रत्येक शाखेतील अंडरग्रेजुएट अभ्यासक्रमांच्या प्रवेशासाठी एक सामाईक NEET (UG) असेल. राष्ट्रीय होमिओपॅथी आयोगाच्या अंतर्गत BHMS अभ्यासक्रमाच्या प्रवेशासाठी NEET (UG) देखील लागू होईल.
