नवी दिल्ली(new delhi):- देशातील लोकसभा निवडणुकीच्या(elections 2024) तिसऱ्या टप्प्यात मंगळवारी 11 राज्ये आणि केंद्रशासित प्रदेशांमधील 93 मतदारसंघांमध्ये जवळपास 65 टक्के मतदान झाले. पश्चिम बंगालच्या काही भागात तुरळक हिंसाचाराची (Violence) नोंद झाली आहे. निवडणूक आयोगाच्या (Election Commission) दुपारी 12:15 पर्यंतच्या आकडेवारीनुसार, आसाममध्ये सर्वाधिक 81.71 टक्के मतदान झाले. सर्वात कमी मतदान यूपीमध्ये झाले. येथे केवळ 57.34 टक्के लोकांनी मतदान केले.
निवडणूक आयोगाच्या मते ही अंदाजे आकडेवारी असून त्यात वाढ होण्याची शक्यता आहे. लोकसभा निवडणुकीच्या (Lok Sabha Elections)पहिल्या आणि दुसऱ्या टप्प्यातील एकूण मतदानाची टक्केवारी अनुक्रमे ६६.१४ टक्के आणि ६६.७१ टक्के होती.
किती लोक मतदान करण्यास पात्र होते?
लोकसभा निवडणुकीच्या तिसऱ्या टप्प्यात 8.39 कोटी महिलांसह किमान 17.24 कोटी लोक मतदानासाठी पात्र होते आणि 18.5 लाख अधिकाऱ्यांच्या नियंत्रणाखाली 1.85 लाख मतदान केंद्रे उभारण्यात आली होती. यासह, 20 राज्ये/केंद्रशासित प्रदेश आणि 543 पैकी 282 लोकसभेच्या जागांवर मतदान पूर्ण झाले आहे.
पश्चिम बंगालमध्ये तुरळक हिंसाचार
पश्चिम बंगालमधील चार मतदारसंघांमध्ये लोकसभा निवडणुकीच्या तिसऱ्या टप्प्यात मुर्शिदाबाद आणि जंगीपूरच्या वेगवेगळ्या भागात तृणमूल काँग्रेस, भाजप आणि काँग्रेस-सीपीआय-एम कार्यकर्ते एकमेकांशी भिडल्याने हिंसाचाराच्या तुरळक घटना घडल्या. राज्य निवडणूक अधिकाऱ्यांनी दिलेल्या माहितीनुसार, मुर्शिदाबादमध्ये सर्वाधिक 80.13 टक्के मतदान झाले, त्यानंतर मालदा दक्षिण (76.15 टक्के), मालदा उत्तर (75.92 टक्के) आणि जंगीपूर (73.71 टक्के) येथे मतदान झाले.
मतदारांना धमकावणे आणि निवडणूक एजंटवर हल्ला यासंबंधी स्वतंत्र तक्रारी
तृणमूल काँग्रेस, भाजप आणि काँग्रेस-मार्क्सवादी कम्युनिस्ट पक्ष (सीपीआय-एम) यांनी निवडणुकीतील हिंसाचार, मतदारांना धमकावणे आणि निवडणूक एजंटवर हल्ला यासंबंधी स्वतंत्र तक्रारी केल्या आहेत. निवडणूक आयोगाला सकाळी 9 वाजेपर्यंत 182 तक्रारी प्राप्त झाल्या असून त्यापैकी बहुतांश मुर्शिदाबाद आणि जंगीपूर मतदारसंघातील होत्या.
मुर्शिदाबाद जागेवरील डाव्या-काँग्रेस (Congress) आघाडीचे उमेदवार मोहम्मद सलीम यांनी दावा केला की, ‘टीएमसीने संपूर्ण मतदारसंघात दहशतीचे साम्राज्य निर्माण केले आहे. निवडणूक आयोगाने कठोर कारवाई करावी. सीटच्या करीमपूर भागात काही बूथबाहेर TMC आणि CPI(M) समर्थकांमध्ये हाणामारी झाल्याचे वृत्त आहे. डोमकोल भागात टीएमसी आणि काँग्रेस कार्यकर्त्यांमध्ये हाणामारी झाल्याचे वृत्त आहे. मालदा उत्तर मतदारसंघातील बूथवर मतदारांना धमकवण्यात केंद्रीय दले (Central forces) भाजप (BJP) कार्यकर्त्यांना मदत करत असल्याचा आरोप करत काही भागात टीएमसी कार्यकर्त्यांनी निषेध केला.
