‘तो’ आयपीएलमधील सर्वात महागड्या खेळाडूंमध्ये गणला जातो..
नवी दिल्ली (New Delhi) : ऑस्ट्रेलियाचा माजी क्रिकेटपटू डेव्हिड वॉर्नर (David Warner) सध्या कोणत्याही सामन्यामुळे नाही, तर त्याच्या ‘रॉबिन हूड’ (Robin Hood) या पहिल्या चित्रपटामुळे चर्चेत आहे. त्याच्या भारतावरील प्रेमाबद्दल कोणाला माहिती नाही! तो दररोज भारतातील ट्रेंडिंग रील्सवर व्हिडिओ बनवत राहतो. आता चाहते त्याला रुपेरी पडद्यावर पाहण्यासाठी खूप उत्सुक आहेत. या पदार्पणाच्या चित्रपटासाठी त्याला किती फी मिळाली आहे.
‘रॉबिन हुड’साठी वॉर्नरने घेतले 3 कोटी रुपये.!
क्रिकेटव्यतिरिक्त, वॉर्नर सोशल मीडियावरही (Social Media) खूप सक्रिय आहे. खेळातील यशस्वी कामगिरी पूर्ण केल्यानंतर, तो आता अभिनयाच्या जगात पाऊल ठेवत आहे. त्याला अभिनयाची खूप आवड आहे असे म्हटले जाते. दाक्षिणात्य अभिनेता नितीन आणि श्रीलीला अभिनीत हा चित्रपट 28 मार्च रोजी थिएटरमध्ये (Theater) प्रदर्शित झाला. वॉर्नर या चित्रपटात एक छोटीशी भूमिका करताना दिसत आहे. विशेष म्हणजे या क्रिकेटपटूने फक्त एका छोट्या भूमिकेसाठीही मोठी फी आकारली आहे. या चित्रपटात छोटी भूमिका साकारण्यासाठी डेव्हिड वॉर्नरला 3 कोटी रुपयांची मोठी रक्कम देण्यात आली आहे.
चित्रपटाचा बॉक्स ऑफिस कलेक्शन!
‘रॉबिन हूड’च्या बॉक्स ऑफिस (Box Office) कलेक्शनबद्दल बोलायचे झाले तर, त्याची सुरुवात संथ झाली आहे. वेंकी कुडुमुला दिग्दर्शित (Venky Kudumula) या चित्रपटाने पहिल्या दिवशी 2 कोटी रुपये कमावले. नितीन आणि श्रीलीला व्यतिरिक्त, देवदत्त नागे, राजेंद्र प्रसाद आणि शाईन टॉम चाको हे देखील चित्रपटात महत्त्वाच्या भूमिका साकारत आहेत. याशिवाय, निर्मात्यांनी हा चित्रपट 55 ते 70 कोटी रुपयांच्या बजेटमध्ये बनवल्याचेही उघड झाले आहे.
डेव्हिड वॉर्नर 2025 च्या आयपीएलमध्ये खेळणार आहे का?
डेव्हिड वॉर्नर आयपीएलच्या (IPL) इतिहासात सर्वाधिक धावा करणाऱ्या खेळाडूंपैकी एक आहे. त्याने 184 सामन्यांमध्ये 6,565 धावा केल्या आहेत. त्याच्या आयपीएल कारकिर्दीत, त्याने दोन संघांसाठी खेळताना अनेक विक्रम प्रस्थापित केले आहेत. तथापि, गेल्या वर्षी नोव्हेंबरमध्ये झालेल्या मेगा लिलावात (Mega Auction) डेव्हिड वॉर्नरला कोणताही खरेदीदार न मिळाल्याने तो आयपीएल 2025 मध्ये खेळत नाही.
