महिलेला अश्लील भाषेत शिवीगाळ
गंगाखेड(Gangakhed):- पहाटेच्या सुमारास घराचा दरवाजा ठोठावून ३२ वर्षीय महिलेस अश्लील भाषेत शिवीगाळ (Abuse in obscene language) करून जिवे मारण्याची धमकी दिल्याने गंगाखेड पोलीस ठाण्यात दोघांविरुद्ध गुन्हा दाखल करण्यात आला आहे.
शिवीगाळ करून जिवे मारण्याची धमकी
याबाबत समजलेली अधिक माहिती अशी की शहरातील ममता कॉलनीतील रहिवासी नुरजंहा सय्यद असेफ वय ३२ वर्ष या मुलांसह घरी असतांना दिनांक ३० एप्रिल मंगळवार रोजीच्या पहाटे ५ वाजेच्या सुमारास याच परिसरात राहत असलेल्या शेख शाहरुख शेख इस्माईल व त्याची आई शमा शेख इस्माईल यांनी नुरजंहा सय्यद असेफ यांचा दरवाजा वाजविला असता दरवाजा उघडून त्या बाहेर आल्या. तेंव्हा शमा शेख इस्माईल व त्यांचा मुलगा शेख शाहरुख शेख इस्माईल या दोघांनी ही त्यांना अश्लील भाषेत शिवीगाळ करून जिवे मारण्याची धमकी (Death threats) दिल्याची फिर्याद नुरजंहा सय्यद असेफ यांनी दिल्यावरून गंगाखेड पोलीस ठाण्यात दोघांविरुद्ध गुन्हा दाखल(Filed a case) करण्यात आला आहे. याचा पुढील तपास गंगाखेड पोलीस करीत आहेत.
