परभणी(Parbhani) :- दिवाळी सणानिमित्त टाकळी ता. नायगाव जि. नांदेड येथे गावाकडे दुचाकीवर येत असताना दोन भावांचा ताडकळस पोलिस ठाणे हद्दीतील दस्तापुर येथे ३१ ऑक्टोबर रोजी दुपारी २.३० च्या सुमारास अपघात (Accident)झाला. या अपघातात एका भावाचा मृत्यू (Death) झाला तर दुसरा भाऊ गंभीर जखमी झाला आहे.
अपघातात एक जखमी
या अपघाताविषयी अधिक माहिती अशी की, बालाजी कोंडीबा मोरे (वय २३ वर्ष) असे मयताचे नाव आहे. तर पंढरी कोंडीबा मोरे हा जखमी झाला आहे. दोन्ही भाऊ एम.एच. २६ – सी.क्यु. ९३०४ या दुचाकीवरुन पुणे येथून दिवाळी सणानिमित्त (Diwali festival) गावाकडे येत होते. दस्तापुर शिवारात ओम साई वॉशिंग सेंटर समोर आल्यावर त्यांच्या दुचाकीचा एम.एच. ४८ – ए.जी. ७५९८ या आयशर वाहनासोबत अपघात झाला. अपघातात बालाजी मोरे मयत झाले तर पंढरी मोरे जखमी झाले. या प्रकरणी अवधुत मोरे यांच्या फिर्यादीवरुन आयशर चालकावर ताडकळस पोलिस ठाण्यात गुन्हा नोंदविण्यात आला आहे. तपास पो.ह. गणेश लोंढे हे करत आहेत.
