परभणी(Parbhani) :- दैठणा पोलीस ठाणे हद्दित चार वर्षाच्या मुलीवर अत्याचार (torture) झाल्याची घटना सन २०२३ मध्ये घडली होती. या प्रकरणात जिल्हा व सत्र न्यायाधिश श्रीमती के.एफ.एम. खान यांनी गुरुवार ६ फेब्रुवारी रोजी निकाल दिला आहे. आरोपी स्वप्नील राजू भगवान ताकट याला २० वर्ष सक्तमजुरी आणि दंडाची शिक्षा सुनावण्यात आली आहे. दंड रक्कम पिडितेला देण्याचे आदेश दिले आहेत. या प्रकरणात मुख्य सरकारी अभियोक्ता अॅड. ज्ञानोबा दराडे, सहाय्यक संचालक सुहास कुलकर्णी यांच्या मार्गदर्शनाखाली अतिरिक्त सरकारी अभियोक्ता सुनंदा चावरे यांनी बाजू मांडली.
परभणीतील दैठणा पोलीस ठाणे हद्दितील प्रकरण
दैठणा पोलीस ठाणे हद्दित सन २०२३ मध्ये गुन्हा नोंद झाला होता. स्वप्नील उर्फ राजू भगवान ताकट याने मोबाईल देवून लहान मुलीला बाथरुममध्ये नेत अश्लिल चाळे केले. यावेळी मुलीची आजी आली असता आरोपी काही न बोलता निघुन गेला. आजीने पिडितेला घरी आणले. मात्र ती रडत होती. त्यानंतर मुलीला रुग्णालयात नेण्यात आले. डॉक्टरांनी तपासूण घडला प्रकार सांगितला. या नंतर आरोपी विरोधात गुन्हा नोंदविण्यात आला. सपोनि. बालाजी तिप्पलवाड यांनी तपास करत दोषारोपपत्र दाखल केले. या प्रकरणात सरकार पक्षातर्पेâ ११ साक्षीदार तपासण्यात आले. पिडिता, फिर्यादी, वैद्यकीय अधिकारी यांची साक्ष महत्वाची ठरली. न्यायालयाने आरोपी स्वप्नील उर्फ राजू ताकट याला भांदवि कलम ३७६ अन्वये १० वर्ष सक्त मजुरी, २ हजार रुपये दंड. कलम ३७६ (अ) (ब) अन्वये २० वर्ष सक्तमजुरी, तीन हजार रुपये दंड.
जिल्हा व सत्र न्यायाधिश यांनी सुनावली शिक्षा
पोक्सो(POCSO) अन्वये सक्तमजुरी व दंडाची शिक्षा सुनावली आहे. दंडाची रक्कम पिडितेला देण्याचे आदेश दिले आहेत. सदर प्रकरणात कोर्ट पैरवी अधिकार म्हणून पोउपनि. सुरेश चव्हाण, अंमलदार प्रमोद सुर्यवंशी, मंगल साळुंखे, वंदना आदोडे यांनी काम पाहिले.
