परभणीतील चारठाणा पोलिसात अज्ञात चोरटयांविरुद्ध गुन्हा दाखल
परभणी (Parbhani Crime) : चारठाणात घरासमोरील अंगणात झोपलेल्या एका इसमाच्या खिशातील मोबाईल चोरून फोन पे खात्यातील 51 हजार 917 व 16 हजार रूपये किंमतीचे मोबाईल असा एकूण 67 हजार 916 रूपयांचा मुद्देमाल चोरून नेल्या (Parbhani Crime) प्रकरणी चारठाणा पोलीस ठाण्यात एका अज्ञात चोरटयांविरुद्ध मंगळवारी गुन्हा दाखल करण्यात आला आहे.
याविषीय अधिक माहिती अशी की, राव्हा ता. सेलू येथील शेख मुसा हे रविवारी (दि.27) घरासमोरील अंगणात नेहमीप्रमाणे झोपले होते. या संधीचा फायदा घेऊन अज्ञात चोरट्यांनी फिर्यादीच्या खिशातील 16 हजार रूपये किंमतीचे मोबाईल चोरले व मोबाईल फोन पे खात्यातील 51 हजार 917 रूपये परस्पर काढून घेतले. शेख मुसा यांचे पोस्ट व स्टेट बँक इंडिया बँक शाखेत खाते होते. त्यांनी सदर बँकेत जावून चौकशी केल्यानंतर मोबाईल फोन पे वरून पैसे चोरी गेल्याचा प्रकार उघडकीस आला. या (Parbhani Crime) प्रकरणी शेख मुसा यांनी मंगळवारी चारठाणा पोलीस ठाणे गाठून घडलेला प्रकार सांगितला.
या (Parbhani Crime) प्रकरणी अज्ञात चोरटयांविरुद्ध चारठाणा पोलिस ठाण्यात गुन्हा दाखल करण्यात आला असुन या प्रकरणाचा तपास सहायक पोलीस निरीक्षक सुनिल अंधारे याच्या मार्गदर्शनाखाली सहायक पोलिस उपनिरीक्षक दत्ता भदरगे हे करीत आहेत.
