परभणी (Parbhani) : विवाह सोहळ्यासाठी गंगाखेड शहरात आलेल्या, वृद्ध महिलेचा चक्कर (Dizziness) येऊन पडल्याने मृत्यु झाल्याची घटना रविवार रोजी सकाळी 10 वाजेच्या सुमारास पालम रस्त्यावरील इटारसी पुलाजवळ घडली. याबाबत समजलेली अधिक माहिती अशी की, गंगाखेड शहरात (Gangakhed City) असलेल्या पाहुण्याच्या मुलाच्या विवाह सोहळ्यासाठी परभणी येथून शहरात आलेल्या अमीनाबी शेख करीम वय 73 वर्ष रा. इठलापुर मोहल्ला परभणी या रविवार 4 मे रोजी सकाळी 10 वाजेच्या सुमारास पायी पाहुण्याच्या घरी जात असतांना पालम रस्त्यावरील इटारसी नदी पुलाजवळ चक्कर येऊन पडल्या त्यांना आमजद खान पठाण, सय्यद खालेद यांनी ऑटोमधून गंगाखेड उपजिल्हा रुग्णालयात (Gangakhed Sub-District Hospital) दाखल केले असता, निवासी वैद्यकीय अधिकारी डॉ कल्पना घुगे, परिचारिका माया लाटे, संगिता कचरे आदींनी त्यांना तपासून मयत घोषित केले.
उन्हाची काळजी घ्यावी!
उन्हाचा पारा (Summer Mercury) प्रचंड प्रमाणात वाढल्यामुळे याचा त्रास वयोवृद्ध नागरिकांना व बालकांना मोठ्या प्रमाणात होत असुन वाढत्या रखरखत्या उन्हात घरातून बाहेर पडतांना सर्वांनीच काळजी घ्यावी असे आवाहन वैद्यकीय अधिकाऱ्यांनी (Medical Officers) केले आहे.
