परभणी/जिंतूर (Parbhani):- हार्वेस्टर यंत्राच्या सहाय्योन शेतातील सोयाबीनची कापणी करत १ लाख ४४ हजार रुपये किंमतीचे ३० क्विंटल सोयाबीन(Soyabean) लंपास करण्यात आले. ही घटना जिंतूर तालुक्यातील दाभा शेत शिवारात ७ सप्टेंबर ते २२ सप्टेंबर या दरम्यान घडली. सदर प्रकरणी पाच जणांवर २७ सप्टेंबरला जिंतूर पोलीस ठाण्यात गुन्हा दाखल करण्यात आला आहे.
जिंतूर पोलीस ठाण्यात पाच जणांवर गुन्हा
संतुकराव व्यंकटराव घुगे यांनी तक्रार दिली आहे. फिर्यादीचे दाभा शिवारात गट क्रमांक १०१ मध्ये शेत आहे. आरोपींनी संगणमत करत फिर्यादीच्या अडिच एकर शेतावरील १ लाख ४४ हजार रुपये किंमतीचे ३० क्विंटल सोयाबीन हार्वेस्टर यंत्राच्या सहाय्याने कापणी केले. ट्रॅक्टरच्या (Tractor) सहाय्याने सदर सोयाबीन लंपास करण्यात आले. या प्रकरणी व्यंकटराव उर्फ बाळू घुगे, सुरेखा उर्फ गुंफा घुगे, दिगंबर घुगे, मारोतराव उर्फ राजू घुगे, शुभम घुगे यांच्यावर गुन्हा नोंदविण्यात आला आहे. तपास सपोनि. पुंड करत आहेत.
