परभणी शहरातील घटना; नानलपेठ पोलीस ठाण्यात चार जणांवर गुन्हा दाखल!
परभणी (Parbhani) : शहरातील जिंतूर रोडवरील बाळासाहेब ठाकरे कमानी जवळ शुक्रवार 9 मे रोजी रात्री साडे नऊच्या दरम्यान विशाल आर्वीकर हा एकास बोलत उभा असताना, चार जणांनी त्याच्यावर धारदार शस्त्रांनी हल्ला (Weapon Attack) करुन त्याचा खून केल्याची घटना घडली आहे. या प्रकरणात नानलपेठ पोलीस ठाण्यात (Nanalpeth Police Station) चार जणांविरुध्द गुन्हा दाखल करण्यात आला. असून दोघांना चौकशीसाठी ताब्यात घेण्यात आले असल्याची माहिती पोलिसांकडून मिळाली.
नानलपेठ पोलीस ठाण्यात गुन्हा दाखल करण्यात आला.
याबाबत पोलिस सुत्रांनी दिलेली, अधिक माहिती अशी की, शुक्रवार 9 मे च्या रात्री साडे नऊच्या दरम्यान विशाल आर्वीकर व आर्वी गावातील विलास गणेशराव कदम हल्ली मु. एकनाथ नगर परभणी हे ठाकरे कमानीजवळ भेटले. व हनुमान मंदिराच्या पाठीमागील रोडवर बोलत उभे असताना, ठाकरे कमानीकडून दोन मोटारसायकलवर चार इसम तेथे आले. मोटारसायकल विशालच्या बाजुला उभ्या केल्या. त्यांच्या तोंडाला रुमाल बांधलेले होते. त्यातील तिघांच्या हातात धारदार शस्त्र (Sharp Weapon) होते. व एकाच्या हातात हातोडा होता. त्यातील एकाने विशालच्या पाठीमागुन धारदार शस्त्राने हल्ला केला. त्यावेळी विशालने पाठीमागे वळून पाहिले असता, त्या चौघांन विशालला हातातील धारदार शस्त्र व हातोड्याने मारहाण करण्यास सुरुवात केली. विलास कदम हा भांडण सोडविण्यास गेला असता, त्यातील एकाने त्याच्या हातातील धारदार शस्त्र त्याला दाखवून लांब थांबण्यास सांगितले. दरम्यान त्या चौघांनी विशाल यास धारदार शस्त्र व हातोड्याने मारल्याने विशाल हा जमीनीवर पडला. त्यानंतर ते चौघे परत मोटारसायकलने पसार झाले. त्यावेळी बरेच लोक जमा झाले होते. लगेच रुग्णवाहिकेद्वारे विशाल यास जिल्हा सामान्य रुग्णालयात (District General Hospital) नेण्यात आले. तेथे डॉक्टरांनी तपासून मयत घोषीत केले. या प्रकरणी वर्षा श्रीधर गिराम यांच्या फिर्यादीवरुन विक्की पाष्टे, गोविंद उर्फ गोपाल पाष्टे, शुभम पाष्टे, तुषार सावंत यांच्यावर नानलपेठ पोलीस ठाण्यात गुन्हा दाखल (Filed a Case) करण्यात आला आहे.
प्रेम प्रकरणातून घटना!
मयत विशाल आर्वीकर याचा खून प्रेम प्रकरणातून झाला असल्याचे फिर्यादीत नमुद केलेले आहे. कारण विशालने माझ्यावर हल्ला होऊ शकतो, याची कल्पना घरच्या लोकांना दिली होती. शिवाय तो सावधगिरी बाळगून फिरत होता. मात्र अखेर शुक्रवारच्या रात्री अघटीत घडले. मारेकरी हे खासदार समर्थक असल्याचा आरोपही फिर्यादीत नमुद करण्यात आले असल्याचे पोलिसांनी सांगितले.
