नवी दिल्ली(New Delhi):- रोहित शर्माच्या(Rohit Sharma) नेतृत्वाखालील भारतीय संघाची मायदेशी परतण्याची प्रतीक्षा आता संपणार आहे. भारतीय संघाने टी-20 विश्वचषक 2024 चे विजेतेपद पटकावले.
टीम इंडिया देशाकडे रवाना
अंतिम सामन्यात टीम इंडियाने(Team India) दक्षिण आफ्रिकेचा(South Africa) 7 धावांनी पराभव करत 17 वर्षांच्या प्रदीर्घ प्रतिक्षेनंतर T20 विश्वचषक ट्रॉफी जिंकली. चॅम्पियन बनल्यानंतर बार्बाडोसला आलेल्या चक्रीवादळामुळे भारतीय संघ तिथेच अडकला आणि आज म्हणजेच बुधवारी टीम इंडिया देशाकडे रवाना झाली. भारतीय खेळाडू गुरुवारी म्हणजेच 4 जुलै रोजी
सकाळी 11 वाजता भारतात परततील, जिथे पंतप्रधान मोदी त्यांना भेटतील. दरम्यान, टीम इंडियाचे खेळाडूही मायदेशी परतण्याची आतुरतेने वाट पाहत आहेत. खेळाडूंनी ट्रॉफीसोबतचे सुंदर फोटो सोशल मीडियावर(Social media) शेअर केले आहेत. ही सर्व छायाचित्रे फक्त चार्टर फ्लाइटच्या आतील आहेत.
चॅम्पियन बनल्यानंतर भारतीय खेळाडू आपल्या देशात परतत आहे
भारतीय संघाचा कर्णधार रोहित शर्माने T20 विश्वचषक 2024 ट्रॉफी आणि सूर्यकुमार यादवसोबत(Suryakumar Yadav) एअर इंडियाच्या बोईंग 777 चार्टर फ्लाइटचे एक सुंदर छायाचित्र शेअर केले आहे. या छायाचित्रात रोहित-सूर्याच्या चेहऱ्यावरचे हास्य स्पष्टपणे दिसत आहे आणि यावरून प्रत्येकजण आपल्या देशात परतण्याची किती वाट पाहत आहे हे दिसून येते. रोहितने फोटोसोबत कॅप्शनमध्ये लिहिले की, घरवापसी.
शिवम दुबेने ट्रॉफीसोबतचा फोटो शेअर केला आहे
शिवम दुबेने(Shivam Dubey) T20 वर्ल्ड कप 2024 च्या ट्रॉफीसोबत एक फोटो शेअर केला आहे. संजू सॅमसन, यशस्वी जैस्वाल आणि शिवम दुबे 6 जुलैपासून झिम्बाब्वेविरुद्धच्या आगामी पाच सामन्यांच्या T20 मालिकेसाठी हरारेला वेळेत पोहोचू शकणार नाहीत.
