मुंबई/नवी दिल्ली (PM Awas Yojana) : केंद्र सरकारने महाराष्ट्रातील जनतेला प्रधानमंत्री आवास योजनेंतर्गत मोठी भेट दिली आहे. वास्तविक, प्रधानमंत्री आवास योजनेंतर्गत महाराष्ट्रासाठी 20 लाख नवीन घरे मंजूर करण्याची घोषणा करण्यात आली होती. या घोषणेनंतर महाराष्ट्राचे मुख्यमंत्री देवेंद्र फडणवीस (CM Devendra Fadnavis) यांनी पंतप्रधान मोदींचे आभार मानले. केंद्रीय मंत्री शिवराज सिंह चौहान (Shivraj Singh Chauhan) म्हणाले की, 2024-25 मध्ये महाराष्ट्रात 6,37,089 घरे बांधण्याचे प्रधानमंत्री आवास योजनेचे (PM Awas Yojana) लक्ष्य आहे.
महाराष्ट्राला 20 लाख घरे मंजूर!@narendramodi @Dev_Fadnavis#Maharashtra #DevendraFadnavis #PMAwas pic.twitter.com/sydheM2gcT
— CMO Maharashtra (@CMOMaharashtra) December 24, 2024
महाराष्ट्राचे मुख्यमंत्री देवेंद्र फडणवीस (CM Devendra Fadnavis) यांनी त्यांच्या इंस्टाग्रामवर पोस्ट शेअर करताना लिहिले की, ‘प्रधानमंत्री आवास योजनेअंतर्गत (PM Awas Yojana) महाराष्ट्रासाठी 20 लाख नवीन घरांना मंजुरी दिल्याबद्दल पंतप्रधान नरेंद्र मोदी (PM Narendra Modi) आणि केंद्रीय मंत्री शिवराज सिंह चौहान यांचे आभार.’
केंद्रीय कृषी, शेतकरी कल्याण आणि ग्रामीण विकास मंत्री शिवराज सिंह चौहान (Shivraj Singh Chauhan) यांनी यासंदर्भात एक पत्र जारी केले आहे. त्यांनी पत्रात म्हटले आहे की, ग्रामीण विकास मंत्रालय भारत सरकारची प्रमुख योजना, (PM Awas Yojana) प्रधानमंत्री आवास योजना-ग्रामीण (PMAY-G) 1 एप्रिल 2016 पासून सर्वांसाठी घरे या उद्देशाने राबवत आहे.
इन प्रेरणादायी उद्गारों के लिए मा. केंद्रीय मंत्री, मेरे बड़े भाई शिवराज सिंह चौहान जी आपका हृदय से आभार! मा. प्रधानमंत्री नरेंद्र मोदी जी के दूरदर्शी नेतृत्व में किसानों के कल्याण हेतु महाराष्ट्र सरकार इसी तरह समर्पित होकर कार्य करती रहेगी।@narendramodi @ChouhanShivraj… pic.twitter.com/IbWt4yOX7E
— Devendra Fadnavis (@Dev_Fadnavis) December 24, 2024
महाराष्ट्रात गरिबांसाठी 6,37,089 घरे बांधली जाणार
या योजनेचा उद्देश पात्र ग्रामीण कुटुंबांना मूलभूत सुविधांसह पक्की घरे बांधण्यासाठी मदत करणे आहे. केंद्रीय मंत्रिमंडळाने 9 ऑगस्ट 2024 रोजी झालेल्या बैठकीत मान्यता दिली आहे. ग्रामीण भागातील वाढत्या घरांच्या गरजा पूर्ण करण्यासाठी 2 कोटी अतिरिक्त घरे बांधण्यासाठी ही योजना आणखी पाच वर्षे मार्च 2029 पर्यंत सुरू ठेवण्याचा निर्णय घेण्यात आला आहे.
केंद्र सरकारने अंतिम मंजूर अर्थसंकल्पातून 2024-25 या आर्थिक वर्षात महाराष्ट्रासाठी 6,37,089 घरांची तरतूद केली आहे. भारत सरकारच्या ग्रामीण विकास मंत्रालयाने तुमच्या राज्यासाठी 2024-25 या आर्थिक वर्षात (PM Awas Yojana) प्रधानमंत्री आवास योजनेअंतर्गत 13,29,678 घरांचे अतिरिक्त लक्ष्य मंजूर केले आहे.
देशातील ग्रामीण भागात सर्वांसाठी घरे उपलब्ध करून देण्यासाठी भारत सरकारच्या वचनबद्धतेच्या दिशेने हे एक पाऊल आहे. राज्यासाठी आर्थिक वर्ष 2024-25 साठी एकत्रित लक्ष्य 19,66,767 घरांचे असेल. राज्यात PMAY-G च्या यशस्वी अंमलबजावणीसाठी या मंत्रालयाच्या वचनबद्धतेचा पुनरुच्चार करण्यासाठी ही संधी घेण्यात येत आहे.
