कारंजा (Washim) :- येथील कृष्णा कृषी उत्पन्न बाजार (Agricultural produce market) समितीमधून सोयाबीनचा ट्रक लंपास करणार्या चोरट्यास २० लाख ४८ हजार ५४४ रूपयांच्या मुद्देमालासह अटक करण्यात पोलिसांना यश प्राप्त झाले आहे. येथील ललीत शंकरराव चांडक (५१) यांनी त्यांचे शेलूबाजार रोडवरील कृष्णा बाजार ट्रेडींग कंपनी येथून ४ जून रोजी विठू माउली ट्रान्सपोर्टचे काम पाहणारे रामेश्वर राठोड यांचे मार्फत नेहमीप्रमाणे मालवाहु ट्रक बोलाविला. त्यावरून चालक राजेश चव्हाण हा ट्रक (एमएच१२-डी टी-४८३२) घेऊन तेथे पोहचला.
ट्रक लंपास करणार्या चोरट्यास २० लाख ४८ हजार ५४४ रूपयांच्या मुद्देमालासह अटक
ट्रकमध्ये एकूण १७ टन ७२० किलोग्रॅम सोयाबीनचे पोते भरून तो सोलापूर येथील इंडीया प्रायव्हेट लिमीटेड कंपनी येथे नेणे आहे व ट्रक मध्ये आणखी माल टाकणे असल्याबाबत चालकास सांगण्यात आले. दरम्यान, ललीत चांडक हे ४ जून रोजी सायंकाळी स्थानिक कृष्णा बाजार ट्रेडींग कंपनी येथे आले असता त्यांना सोयाबीनचा ट्रक तेथे दिसला नाही. तसेच चालकाच्या मोबाईलवर त्यांनी संपर्क केला असता त्याचा मोबाईल बंद होता. यावेळी त्यांनी ट्रान्सपोर्टचे रामेश्वर राठोड यांना संपर्क करण्यास सांगीतले असता त्यांनी सुध्दा ड्रायव्हरचा मोबाईल नंबर बंद येत असल्याचे कळविले. त्यामुळे चांडक यांनी ११ जून रोजी रोजी पो.स्टे. कारंजा शहर येथे सदर गुन्ह्यात ६ लाख ९८ हजार ५४४ रुपयांचा सोयाबीन (soybeans) माल चोरीबाबत तक्रार दाखल केली. त्यावरून पोलिसांनी कलम (२) भा.न्या.सं. अन्वये गुन्हा दाखल केला.
वाशिमच्या पथकाने लातूर येथील मार्केट यार्ड येथून आरोपी यास ट्रक व मुद्देमालासह घेतले ताब्यात
त्या अनुषंगाने पोलिस निरीक्षक, स्थानिक गुन्हे शाखा वाशिम यांचे आदेशाने गुन्ह्याचा समांतर तपास करीत असताना गोपनीय बातमीदार व तांत्रिक विश्लेषणावरून गुन्ह्यातील आरोपी व मुद्देमालाबाबत माहिती मिळाल्याने स्थानिक गुन्हे शाखा वाशिमचे पथकाने लातूर येथील मार्केट यार्ड येथून आरोपी यास ट्रक व मुद्देमालासह ताब्यात घेऊन विचारपूस व शहानिशा केली असता आरोपीने त्याचे नाव शिवाजी त्र्यंबक राठोड (४४ , रा.लोहा ता. लोहा जि. नांदेड ) असे सांगीतले. गुन्हा करतेवेळी आरोपीने त्याचे नाव खोटे सांगून व ट्रकला बनावट नंबरप्लेट लावुन ६९८ लाख ५४४ रूपयाचा सोयागीनचा माल चोरी केल्याचे कबूल केले. गुन्ह्यात वापरलेला ट्रक किमंत १३ लाख ५० हजार रुपये आणि ६ लाख ९८ हजार ५४४ रू. चे सोयाबीन असा एकूण २० लाख ४८ हजार ५४४ रुपयाचा मुद्देमाल जप्त करून आरोपी व मुद्देमाल पुढील कारवाईकामी पो.स्टे. कारंजा शहर यांचे ताब्यात देण्यात आला आहे.
सदरची कारवाई पोलिस अधीक्षक अनुज तारे, प्रभारी पोलीस अधीक्षक तथा अपर पोलीस अधीक्षक श्रीमती लता फड, स्था.गु.शा. वाशिमचे पोलिस निरीक्षक रामकृष्ण महल्ले, पोलिस निरिक्षक दिनेशचंद्र शुक्ला यांच्या मार्गदर्शनाखाली सपोनि संतोष आघाव, पोहका गजानन झगरे, आशिष बिडवे, सुरज खडके, पोना महेश वानखेडे, गजानन गोटे, पोका शुभम चौधरी, स्था.गु.शा.वाशिमचे गोपाल चौधरी , पोका सुशिल बोरकर, मपोका प्रतिक्षा एकाडे पो.स्टे. सायबर सेल वाशिम, चालक शिवाजी खिल्लारे मो.प.वि. वाशिम यांनी परिश्रम घेऊन गोपनीय माहिती हस्तगत करून तांत्रिक तपासामुळे उघड केला आहे
