हिंगोली (Sakal Dhangar Samaj) : जिल्हा धनगर समाजाच्यावतीने ३० सप्टेंबर रोजी हिंगोली येथे खा. नागेश पाटील आष्टीकर यांनी धनगर समाजाचा अवमान करून असंविधानीक पदाचा अवमान केल्यामुळे त्यांचे सदस्यत्व रद्द करून त्यांच्याविरुध्द गुन्हा दाखल करण्याच्या मागणीसाठी निषेध मोर्चा आंदोलन करण्यात आले.
खा. आष्टीकर यांनी २०२४ च्या लोकसभा निवडणुकीत महाराष्ट्रातील धनगर समाजाला अनुसूचित जमाती (एसटी) आरक्षणाची अंमल बजावणी करण्याकरीता निवडुण आल्यानंतर संसदेत आवाज बुलंद करण्याचे आश्वासन दिले होते. म्हणून हिगोली लोकसभा मतदार संघातील धनगर समाज बांधवानी खा. नागेश पाटील आष्टीकर यांना मतदार करून मोठ्या मतधिक्याने निवडुन आणले आहे. तसेच महाराष्ट्रात मागील काही दिवसांपासुन धनगर समाज बांधव अनुसूूचित जमाती एसटी आरक्षणाची अंमलबजावणी करण्यासाठी रस्त्यावर उतरुन जिवाची बाजी लावत सरकार विरोधात चक्का जाम रस्ता आंदोलन, आमरण उपोषण, धेराव आंदोलन, मोर्चा आदी आंदोलन करीत आहेत.
यासह इतर मागण्यासाठी धनगर समाज बांधवांनी ३० सप्टेंबर रोजी हिंगोली खा. नागेश पाटील आष्टीकर यांच्या विरोधात निषेध आंदोलन केले. व विविध मागण्याचे निवेदन जिल्हाधिकार्यामार्फत राष्ट्रपतींना पाठविण्यात आले आहे. या निवेदनावर राजेंद्र शिखरे, केशव नाईक चिंचोलीकर, अॅड. रवि शिंंदे, तुकाराम ढोणे, विलास वाईकर, किशन कोकरे, देवराव करे, शिवम नाईक, यश कोकरे, बंडु पाटील, बाळासाहेब पोटे, पवन कोकरे, रवि लेकुळे, कमलाकर पोले, संजय कोकरे, माधव मुुलगीर, संभाराव मस्के, बाळासाहेब मस्के, भुंजगराव कवडे, देवराव गडदे, सुभाष गडदे, संतोष मस्के, अनिल मस्के, विष्णु मस्के, पंकज शिंदे, पोले यांच्यासह आदीच्या स्वाक्षर्या आहेत.
