लातूर (Ravikant Tupkar) : शेतकरी नेते रविकांत तुपकर यांच्या क्रांतीकारी शेतकरी संघटनेने महाविकास आघाडीला पाठींबा जाहीर केला. लातूर जिल्ह्यातील महाविकास आघाडीच्या सहाही उमेदवारांच्या विजयासाठी क्रांतीकारी शेतकरी संघटना नेटाने काम करण्याचा निर्धार यावेळी व्यक्त करण्यात आला़. येथील आशियाना निवासस्थानी माजी मंत्री दिलीपराव देशमुख यांच्या प्रमुख उपस्थितीत क्रांतिकारी शेतकरी संघटनेचे नेते सत्तार पटेल लातूर, राजेंद्र मोरे, औसा, अरुण कुलकर्णी, लातूर राजू कसबे औसा, नवनाथ शिंदे लातूर , दत्ता किनीकर रेणापूर, लक्ष्मण कांबळे, मारुती कसबे, प्रज्योत हुडे देवणी, अमर हैबतपूरे देवणी यांनी क्रांतीकारी शेतकरी संघटनेचा पाठींबा महाविकास आघाडीला दिल्याचे जाहीर केले़.
महायुती सरकारचे निर्णय शेतकरी विरोधी
यावेळी बोलताना सत्तार पटेल म्हणाले, गेल्या दहा वर्षांत सरकारने शेतकर्याच्या बाबतीत घेतलेले सर्व निर्णय शेतकºयांच्याच मुळावर उठले आहेत़. दीडपट हमी भाव दिला नाही़ उत्पन्न दुप्पट करतो, असे सांगीतले परंतू, उत्पादन खर्चच चारपट करुन ठेवला़ सरकारच्या धोरणामुळे शेतकरी उद्धवस्त होत असताना सरकारच उघड्या डोळ्याने पाहात असेल तर ते आम्ही कदापिही सहन करणार नाही़. त्यामुळेच आम्ही महाविकास आघाडीला पाठींबा दिला. राजेंद्र मोरे म्हणाले, विमा कंपनी आणि सरकारचे साटेलोटे आहे़ त्यामुळे विम्याच्या बाबतीत सरकारने गांभीर्याने घेतले नाही़ शेतकºयांचे प्रश्न, अडीअडचणी सोडविण्यात माजी मंत्री दिलीपराव देशमुख यांचा नेहमी पुढाकार असतो़. त्यामुळेच आम्ही त्यांच्या नेतृत्वावर विश्वास ठेऊन क्रांतीकारी शेतकरी संघटनेचा पाठींबा महाविकास आघाडीला दिला आहे़.
यावेळी बोलताना माजी मंत्री सहकार दिलीपराव देशमुख म्हणाले की सातत्याने शेतकऱ्यांच्या बाजूने काम करण्याचे आमचे धोरण आहे़ काँग्रेस पक्षाचे अध्यक्ष मल्लिकार्जून खरगे, राष्ट्रवादी काँग्रेस शरदचंद्र पवार पक्षाचे नेते शरद पवार, उद्धव बाळासाहेब ठाकरे पक्षाचे नेते उद्धव ठाकरे, काँग्रेसेचे प्रदेशाध्यक्ष नानाभाऊ पटोल आणि आम्ही सर्वचजण शेतकऱ्यांच्या प्रश्नांवर काम करीत आहोत़. शेतकऱ्यांनी जेव्हा-जेव्हा प्रश्न उपस्थित केले ते सर्व प्रश्न आम्ही सोडविले आहेत़. क्रांतीकारी शेतकरी संघटनेने महाविकास आघाडीला पाठींबा देण्याचा निर्णय घेतला त्याचे आम्ही मनापासून स्वागत करतो़.