चिया पिकाच्या प्रसार, प्रचारासाठी बाजार समितीचा स्तुत्य उपक्रम!
रिसोड (Risod Bazar Committee) : रिसोड कृषी उत्पन्न बाजार समितीच्या माध्यमातून येथिल शेतकरी वर्गाला पारंपारिक पिकाला पुरक आशा चिया पिकाचे बियाणे अल्पदरात उपलब्ध केल्या नंतर तालुक्यातील शेकडो शेतकऱ्यांनी चिया पिकाला पसंती दिली. हे विशेष मकरसंक्रांत सणा निमित्त बाजार समिती आणि कृषी विभाग वाशिम च्या वतीने शेतकऱ्यांकरीता चीया तिळगुळ विक्री केंद्राचा शुभारंभ करण्यात आला.
संक्रांतीच्या शुभ पर्वावर कृषी विभाग वाशिम व कृषी उत्पन्न बाजार समिती रिसोड च्या वतीने चिया तिळगुळ विक्री केंद्र दिनांक 13 व 14 जानेवारी सुरु राहणार आहे. विष्णुपंत भुतेकर सभापती व गजाननराव अवताडे उपसभापती, कृषी उत्पन्न बाजार समिती रिसोड यांनी भेट देऊन समाधान व्यक्त केले. यावेळी शामराव पाटील उगले, माजी सभापती गजाननराव पाचरणे, भाऊराव पाटील गरड संचालक, रमेश गायकवाड संचालक, पंढरी पाटील बोडखे, महावीर सिंह सहसंचालक भूमिपुत्र अकॅडमी वाढोणा, राऊतकर व वामन मोरे यांच्या सह मोठ्या प्रमाणात शेतकरी उपस्थित होते. संक्रांतीच्या सणानिमित्त शेतकऱ्यांना पौष्टिक चिया तिळगुळाचे लाडू अल्प दरात उपलब्ध केल्याने शेतकऱ्यांचा (Farmers) प्रचंड प्रतिसाद मिळत आहे.कृषी उत्पन्न बाजार समितीच्या प्रवेशद्वाराजवळ केंद्र असून. शेतकऱ्यांनी या तिळगुळ ची खरेदी करण्याचे आव्हान सभापती विष्णुपंत भुतेकर यांनी केले आहे.
