उपविभागीय अधिकारी यांच्या पथकाची कारवाई
रिसोड (Risod Crime Case) : वाशिम येथील उपविभागीय पोलीस अधिकारी नवदिप अग्रवाल यांचे पथकाने अवैध धंद्यांविरूद्ध कारवाईची धडक मोहिम सुरू केली आहे. या कारवाईदरम्यान आज ८ नोव्हेंबर रोजी सकाळी रिसोड येथे एका घरावर छापा टाकला. या छाप्यामध्ये गुटख्यासह एकूण आठ लाख ७० हजार रुपयांचा माल जप्त करण्यात आला. या कारवाईमुळे गुटखा विक्रेत्यांमध्ये चांगलीच खळबळ उडाली आहे.
वाशिम येथील उपविभागीय पोलिस अधिकारी अग्रवाल यांना मिळालेल्या माहितीनुसार बालाजी गल्ली रिसोड येथे प्रतिबंधीत गुटखा पानमसाला साठवुण ठेवलेला असून ते गुटखा पानमसल्याची अवैधरित्या विक्री करतात अशी माहिती मिळाली. या माहितीच्या आधारावर वाशिम पोलीस उपविभागीय अधिकारी यांचे पथकासह त्यांनी बालाजी गल्ली रिसोड येथे तापडीया यांचे घरावर रेड करुन घराची घरझडती घेतली असता. त्यांचे घरात व त्यांचे ताब्यात असलेला गुटखा जप्त केला. यामध्ये प्रतिबंधीत गुटखा पानमसाला मिळून आला जाफराणी जर्दा , मस्तानी चाऊमिंग तंबाखु ,. बाजीराव गोल्ड पान मसाला , नजर प्रिमियर , बाजीराव गोल्ड पान मसाला ,. नजर , तंबाखू , वाह पान मसाला , विमल पान मसाला , गोवा पान मसाला इ. एकुण 4,11,639/-रुपये चा प्रतिबंधीत गुटखा, पानमसाला मिळुन आला.
सदर प्रतिबंधीत गुटखा, पानमसाला व सदर मालाची वाहतुक करणेकरीता वापरलेली मालवाहू चारचाकी वाहन महिन्द्रा सुप्रो किंमत 4,50,000/-रुपये, आरोपीने वापरलेला रेडमी कंपनीचा मोबाईल किंमत 8,000/- असा एकूण 8,69,639/-रुपये चा मुद्देमाल जप्त करण्यात आला आहे. सदर अवैध गुटखा, पानमसाला चा व्यवसाय इसम नामे. सागर सुनिल तापडीया आणि. सुनिल रामसिंग तापडीया रा. बालाजी गल्ली, रिसोड ता. रिसोड जि. वाशिम हे संयुक्तीकरित्या करीत असल्याचे निष्पन्न झाल्याने त्यांना ताब्यात घेऊन पो.स्टे. रिसोड येथे त्यांचे विरुध्द कायदेशिर कारवाई करण्यात येत आहे.
सदरची कार्यवाही . पोलीस अधिक्षक अनुज तारे,. अपर पोलीस अधिक्षक श्रीमती लता फड यांचे मार्गदर्शनात उपविभागीय पोलीस अधिकारी नवदीप अग्रवाल, सपोनि. दिनेश शिरेकार, पो. स्टाफ पोहेको. हरिभाऊ कालापाड, पोकों. स्वप्नील शेळके, पोकों. मनिष बिडवे, पोहेकाँ अरविंद राठोड, चापोकाँ चंचल वानखेडे, पोकों सलमान नंदीवाले यांनी केली.
उपविभागीय पोलिस अधिकारी अग्रवाल यांच्या रिसोड मधील गुटखा वर धडक कारवाई मुळे एलसीबी व स्थानिक पोलीस प्रशासनाच्या कार्य प्रणालीवर प्रश्नचिन्ह निर्माण झाला असल्याची चर्चा होत आहे.
