रिसोड (Risod) :- पोलीस स्टेशन (Police Station) मुंडवा, पोलीस आयुक्तालय पुणे शहर येथे कलम ४०६,४२०,४६७, ४६८,४७१,३४ भादंवि प्रमाणे गुन्हा नोंद असून सदर गुन्हयातील मुख्य आरोपी नामे गणेश प्रकाश तनपूरे, वय ३३ वर्षे, रा. गौंढाळा, ता. रिसोड, ह.मु. पूणे याने एकाच फ्लॅटवर वेगवेगळया बँकांकडून बनावट दस्तऐवजाच्या आधारे अंदाजे १ कोटी २० लाख रूपयांचे कर्ज काढून बँकेची फसवणूक (Fraud) केलेली आहे. सदरचा गुन्हा (Crime) दाखल झाल्यापासून सदर आरोपी हा सतत आपला मोबाईल नंबर बदलून व ठावठिकाणा बदलून मागील एक वर्षापासून फरार होता.
बँकांकडून बनावट दस्तऐवजाच्या आधारे अंदाजे १ कोटी २० लाख रूपयांचे कर्ज काढून बँकेची फसवणूक
दिनांक १८/०४/२०२५ रोजी रिसोड पोलीसांना पोलीस स्टेशन मुंडवा, जि.पूणे यांच्याकडून मिळालेल्या माहितीप्रमाणे गुन्हयातील सदर आरोपी हा त्याच्या मूळ गावात किंवा आजूबाजूच्या परिसरात आल्याचे समजले. त्यानंतर सदर आरोपीची रिसोड पोलीसांनी गोपनिय माहितीच्या आधारे व तांत्रिक पध्दतीने माहिती घेवून रिसोड पोलीस व पुणे पोलीस यांनी संयुक्तीक कार्यवाही करून शिताफीने आरोपी नामे गणेश प्रकाश तनपूरे यास ताब्यात घेतले व पुढील कार्यवाहीसाठी पुणे पोलीसांच्या ताब्यात देण्यात आले. सदरची कामगिरी मा. पोलीस अधीक्षक श्री. अनुज तारे (IPS), मा. अपर पोलीस अधीक्षक श्रीमती लता फड, मा. सहायक पोलीस अधीक्षक, वाशिम श्री. नवदिप अग्रवाल (IPS) यांचे मार्गदर्शनाखाली व पोलीस निरीक्षक श्री. रामेश्वर चव्हाण यांचे नेतृत्वाखाली सहा. पोलीस निरीक्षक संजय माळी, आयुक्तालय (Commissionerate) पूणे, डी. बी. पथकाचे पोलीस उपनिरीक्षक सचिन गोखले, पोलीस अंमलदार रवि अढागळे, विनोद घनवट, परमेश्वर भोणे, पो.स्टे. सायबर, वाशिम येथील पोलीस अंमलदार वैभव गाडे, मेघा मनवर व पोलीस आयुक्तालय पुणे येथील पोलीस स्टाफ यांनी केली आहे.
