स्वातंत्र्यदिनी झाला ना.चंद्रकांत पाटील यांच्याहस्ते सत्कार!
बुलडाणा (Sanjay Dukre Talathi department ) : महसूल विभागात (Revenue Department) वेगवेगळ्या संकल्पना व सातत्याने उपक्रमशील असलेले बुलढाणा जिल्ह्यातील तलाठी म्हणून संजय विश्वासराव डुकरे (Sanjay Dukre) यांची ख्याती आहे. तेच आता अमरावती महसूल विभागातून उत्कृष्ट तलाठी (Talathi department) ठरले असून, स्वातंत्र्यदिनी म्हणजेच 15 ऑगस्ट रोजी अमरावती आयुक्त कार्यालयावर झालेल्या ध्वजारोहण सोहळ्यात ना. चंद्रकांत पाटील यांच्या हस्ते त्यांचा सत्कार व सन्मान करण्यात आला.
दरवर्षी 1 ऑगस्ट हा राज्यभर महसूल दिन म्हणून साजरा करण्यात येतो. यावर्षी (Revenue Department) महसुल विभागामार्फत राज्यात 1 ऑगस्ट ते 15 ऑगस्ट हा महसुल पंधरवाडा साजरा करण्यात आला. सन 2023-2024 या वर्षात महसुल प्रशासनामध्ये उत्कृष्ट कामगिरी बजावणाऱ्या अमरावती, अकोला, यवतमाळ, बुलढाणा व वाशिम जिल्ह्यातुन (Talathi department) तलाठी सर्वगातुन उत्कृष्ट तलाठी म्हणून संजय विश्वासराव डुकरे (Sanjay Dukre) तलाठी पळसखेड दौलत, तहसिल कार्यालय चिखली यांना 15 ऑगस्ट रोजी आयुक्त कार्यालय अमरावती येथे अमरावती पालकमंत्री ना. चंद्रकांत पाटील यांचेहस्ते उत्कृष्ट पुरस्कार देऊन गौरवण्यात आले आहे. यावेळी अमरावती आयुक्त डॉ. निधी पाण्डेय उपस्थित होत्या. अमरावती विभागातून बुलढाणा जिल्ह्याला हा सन्मान तर मिळाल्यामुळे महसूल विभागात आनंद व्यक्त होत आहे.
