RG Kar Doctor Case:- सियालदाह न्यायालयाचे अतिरिक्त जिल्हा आणि सत्र न्यायाधीश अनिर्बान दास यांनी शनिवारी संजय रॉय यांना गेल्या वर्षी ९ ऑगस्ट रोजी रुग्णालयात पदव्युत्तर प्रशिक्षणार्थी महिला डॉक्टरवर बलात्कार (rape) आणि हत्येप्रकरणी दोषी ठरवले. या जघन्य गुन्ह्यामुळे देशभर संतापाची लाट उसळली आणि बराच काळ निदर्शने सुरू राहिली.
या जघन्य गुन्ह्यामुळे देशभर संतापाची उसळली लाट
पश्चिम बंगालची राजधानी कोलकाता येथील आरजी कार प्रकरणात आज शिक्षा जाहीर होणार आहे. सरकारी आरजी कार मेडिकल कॉलेज आणि हॉस्पिटलमधील महिला इंटर्न डॉक्टरवरील बलात्कार आणि खून प्रकरणात दोषी आढळलेल्या संजय रॉयला कोलकाता न्यायालय आज दुपारी शिक्षा सुनावणार आहे. ज्या कलमांखाली रॉयला दोषी ठरवण्यात आले आहे, त्या कलमांखाली त्याला किमान जन्मठेपेची शिक्षा होऊ शकते, तर जास्तीत जास्त शिक्षा मृत्युदंड असू शकते.
निकाल जाहीर करण्यापूर्वी गुन्हेगाराला न्यायालयात हजर करण्यात आले. यावेळी संजय रॉय यांनी न्यायालयाला सांगितले की, मला अडकवले जात आहे, मी कोणताही गुन्हा केलेला नाही. यावर सीबीआयने म्हटले की हा एक जघन्य गुन्हा आहे. गुन्हेगाराला मृत्युदंडाची शिक्षा झाली पाहिजे. संजय रॉय यांच्या वकिलाने त्यांच्या युक्तिवादात म्हटले की, दोषीला मृत्युदंडाऐवजी दुसरी शिक्षा दिली पाहिजे.
काय प्रकरण आहे?
सियालदाह न्यायालयाचे अतिरिक्त जिल्हा आणि सत्र न्यायाधीश अनिर्बान दास यांनी शनिवारी संजय रॉय यांना गेल्या वर्षी ९ ऑगस्ट रोजी रुग्णालयात पदव्युत्तर प्रशिक्षणार्थी महिला डॉक्टरवर बलात्कार आणि हत्येप्रकरणी दोषी ठरवले. या जघन्य गुन्ह्यामुळे देशभर संतापाची लाट उसळली आणि बराच काळ निदर्शने सुरू राहिली.
१० ऑगस्ट २०२४ रोजी अटक करण्यात आली.
आरजी कार रुग्णालयाच्या सेमिनार रूममध्ये ३१ वर्षीय डॉक्टरचा मृतदेह आढळल्यानंतर दुसऱ्या दिवशी म्हणजे १० ऑगस्ट २०२४ रोजी संजयला अटक करण्यात आली. न्यायाधीशांनी त्याला भारतीय दंड संहिता (IPC) च्या कलम 64, 66 आणि 103 (1) अंतर्गत दोषी ठरवले.
शिक्षेची तरतूद
बीएनएसच्या कलम ६४ (बलात्कार) मध्ये किमान १० वर्षांची शिक्षा आहे, जी जन्मठेपेपर्यंत वाढू शकते. कलम ६६ अंतर्गत, किमान २० वर्षे शिक्षा आणि ती जन्मठेपेपर्यंत वाढवता येते. बीएनएसच्या कलम १०३(१) (खून) नुसार दोषी ठरलेल्या व्यक्तीला मृत्युदंड किंवा जन्मठेपेची शिक्षा आहे.
तपास सीबीआयकडे वर्ग करण्यात आला.
कोलकाता उच्च न्यायालयाने (High Courts) या प्रकरणाचा तपास कोलकाता पोलिसांकडून केंद्रीय अन्वेषण ब्युरो (सीबीआय) कडे हस्तांतरित केला होता. न्यायाधीशांनी सांगितले होते की रॉय यांचे म्हणणे दुपारी ऐकले जाईल आणि त्यानंतर शिक्षा सुनावली जाईल. शनिवारी निकालाच्या वेळी, रॉय यांनी न्यायालयात दावा केला होता की त्यांना फसवण्यात आले आहे.
