सेलू शहरातील छत्रपती नगरमध्ये शुक्रवारी दुपारी घडली घटना..!
परभणी/सेलू (Selu Suicide case) : सेलू शहरातील छत्रपती नगरमध्ये शुक्रवारी दुपारी १२ वा.चौदा वर्षीय मुलीने छताच्या हुकाला ओढणी बांधुन गळफास घेतली. साक्षी सलाने असे मयत मुलीचे नांव आहे.मयत साक्षी व तीची बहिण मानसी या दोघी सेलू शहरातील छत्रपती नगर येथे कदम यांचेकडे किरायाने शिक्षीका आत्या यमुना रामदास मेश्राम ( रा.पितांबरवाडी ता. किनवट) ह्या किरायाने राहत आहेत. (Selu Suicide case) साक्षीचे वडील बेपत्ता आहेत तर आई वेडसर आहेत. म्हणून या दोन्ही बहिणी सेलू येथे आत्या यमुना मेश्राम यांचेकडे राहत आहेत.
घटनेच्या दिवशी आत्या यमुना मेश्राम ह्या लग्न सोहळ्यासाठी बाहेरगावी गेल्या होत्या. तर बहिण मानसी ही बाहेरच्या खोलीत बसली होती. तेंव्हा चौदा वर्षीय साक्षी हिने कपडे आवरते असे म्हणून मधल्या रूममध्ये जाऊन दरवाजा लोटला. त्यानंतर एक तासाने मानसी हिने पाहिले तर साक्षीने गळफास घेतलेला दिसला.घटनेची माहिती कळताच सपोनी प्रभाकर कवाळे,पो.ह.सुरेश पुलाते हे घटनास्थळी दाखल झाले. (Selu Suicide case) मृतदेह शेवविच्छेदनासाठी सेलू उपजिल्हा रूग्णालयात आणण्यात आला. मयत साक्षी ही रागीट स्वभावाची होती असे नातेवाईकांनी पोलीसांना सांगितले.
