खा. डॉ. किरसान यांनी भेट देऊन जाणल्या मागण्या
गडचिरोली (Sharad Brahmanwade strike) : प्रस्तावित विमानतळासाठी जागा अधिग्रहण स्थगीत करण्यात यावे यासाठी कनेरी येथील शेतकरी शरद ब्राम्हणवाडे यांनी २८ एप्रिलपासून मुरखळा येथिल सर्वे नं.३२४/२ मध्ये उपोषणास प्रारंभ केला आहे. दरम्यान आज खा.डॉ. नामदेव किरसान यांनी उपोषण मंडपास भेट देऊन मागण्या जाणून घेतल्या. यावेळी जिल्हा काँग्रेस कमिटीचे (Sharad Brahmanwade strike) अध्यक्ष महेंद्र ब्राम्हणवाडे उपस्थित होते.
ब्राम्हणवाडे यांनी दिलेल्या माहितीनुसार , महाराष्ट्र विमानतळ विकास कंपनी मर्यादित नागपूर यांच्या प्रस्तावित भुसंपादनास त्यांचा वैयक्तीक विरोध आहे.
यापूर्वी जिल्हाधिकारी यांना कनेरी, पुलखल, मुरखळा, नवेगांव, मुडझा बु. व मुडझा तुकुम या सर्व गावाच्या वतीने ग्रामसभेचे ठराव देवून महाराष्ट्र विमानतळ विकास कंपनी मर्यादित नागपूर यांना भुसंपादनास विरोध केला होता.
असे असतांनाही भुसंपादन करण्याची प्रक्रिया कार्यवाही सुरू आहे. या कार्यवाही यादीमध्ये बरेच शेतकरी हे भुमीहीन होत असून मी सुध्दा भुमीहीन होत आहे . मी सन १९९३ पासून धानाचे शेतीवर अवलंबून असुन मी धान पिकावर प्रक्रिया उद्योग सुरु केला असून आजतागायात माझा सदर उद्योग सुरु आहे. आपण भुपंसादन करीत असलेल्या प्रक्रियेमध्ये माझा सदर उद्योग सुध्दा येत असून मी उद्योग विरहीत होणार असून भुमीहीन होत आहे.
यामुळे उपोषण करीत असल्याचे ब्राम्हणवाडे (Sharad Brahmanwade strike) यांनी सांगितले. प्रस्तावित केलेली खाजगी जमीन ही खाजगी विमान कंपनीला देवू नये अशीही मागणी ब्राम्हणवाडे यांनी केली आहे. यावेळी कनेरी परीसरातील नागरीक मोठया संख्येने उपस्थित होते. त्यांनी खा.डॉ. नामदेव किरसान यांना निवेदन सादर केले.
