मुंबई (PM Modi) : शिवसेना (Shiv Sena) व राष्ट्रवादी काँग्रेस पक्षाच्या सर्व नवनिर्वाचित मा. खासदारांनी आज नवी दिल्लीत (PM Modi) पंतप्रधान मा. नरेंद्र मोदीजी यांची सदिच्छा भेट घेतली. सलग तिसऱ्यांदा पंतप्रधान पदी विराजमान झाल्याबद्दल शिवसेना खासदारांनी आदरणीय नरेंद्र मोदीजी यांचे अभिनंदन केले आणि त्यांना पुढील वाटचालीस शुभेच्छा दिल्या. या भेटी दरम्यान पंतप्रधान मा. नरेंद्र मोदीजी यांनी महाराष्ट्रातील विकास (Maharashtra Development) कामांचा आढावा घेतला. शिवसेना खासदारांनी महाराष्ट्रातील प्रश्नांबाबत पंतप्रधान नरेंद्र मोदी यांच्याशी चर्चा केली.
खासदारांनी मा. पंतप्रधानांना विठ्ठल रखुमाईची मुर्ती भेट दिली. मा. पंतप्रधानांनी (PM Modi) भेटी दरम्यान अर्धा तास खासदारांसोबत चर्चा केली. यावेळी खासदारांनी सकारात्मक आणि सक्रिय भूमिका ठेवावी, अशी अपेक्षा त्यांनी व्यक्त केली.
