यवतमाळातील धक्कादायक घटना
आठ वर्षाच्या लहान बहिणीला घेऊन निघाला अल्पवयीन भाऊ.
कार्यतत्परतेने दत्तापुर पोलिसांनी दोघांनाही घेतले ताब्यात
धामणगाव रेल्वे (Sister Kidnapping Case) : यवतमाळ शहरातील एका अल्पवयीन मुलाने आपल्या वडिलांकडे कुल्लूमनाली जाण्याचा हट्ट धरला व घरच्यांनी नाकारले म्हणून त्याने रागाच्या भरात चक्क आपल्या आठ वर्षाच्या लहान बहिणीचे अपहरण केल्याचा धक्कादायक प्रकार मंगळवारी रात्री येथील दत्तापुर पोलिसात उघडकीस आला आहे.यवतमाळ येथून शहराकडे आलेल्या अल्पवयीन भावाला ठाणेदार गिरीश ताथोड यांनी मोठ्या कार्यतत्परतेने ताब्यात घेऊन कुटुंब व यवतमाळ पोलिसांच्या ताब्यात दिले आहे.
यवतमाळ शहरात राहणाऱ्या एका शिक्षित कुटुंबातील १८ वर्षीय अल्पवयीन मुलगा वडिलांकडे कुल्लूमनाली या पर्यटनस्थळी जाण्याचा हट्ट धरला. दरम्यान त्याला कुटुंबाकडून जाण्यास नकार मिळाल्याने सोमवारी दुपारी ४ दरम्यान तो रागाच्या भरात चक्क ८ वर्षीय आपल्या सख्ख्या लहाण बहिणीला हाती घेऊन घराबाहेर पडला. (Sister Kidnapping Case) कुल्लूमनाली जाऊ देत नाहीत तर मी बहिणीची हत्या करून जीवे मारण्याची धमकी फोनवर त्याने कुटुंबियांना दिली.
वडिलांनी यवतमाळ पोलिसांत धाव घेतली असता तो उत्तरेस धामणगाव रेल्वेच्या दिशेने गेल्याचे लोकेशन आढळुन आले.घटनेची माहिती दत्तापुर पोलिसांना देण्यात आली असता ठाणेदार गिरीश ताथोड यांच्या मार्गदर्शनात पोलीस पथक रवाना करण्यात आले.घटनेचे गांभीर्य लक्षात घेऊन योग्य शोधमोहीम व अचूक रणनीती आखत दत्तापुर पोलिसांनी तपास सुरू केला. प्राप्त लोकेशनच्या आधारे चांदूर रेल्वे व तळेगाव पोलिसांच्या नाकाबंदी पथक तैनात करण्यात आले.
यावेळी दत्तापुर पोलिसांसह चांदुर रेल्वे व तळेगाव दशासर पोलिसांनी महत्वपूर्ण भूमिका बजावली.पोलीसांची सुसंगत कारवाई आणि योग्य रणनीतीच्या माध्यमातून संबंधित मुलाला त्याच्या लहान बहिणीसह ताब्यात घेण्यात आले. (Sister Kidnapping Case) सदरची कारवाई पोलीस अधीक्षक विशाल आंनद,अप्पर पोलीस अधीक्षक पंकज कुमावत,उपविभागीय पोलीस अधिकारी थोरात यांचे मार्गदर्शनात पो. नि. गिरीष ताथोड,पोउपनी नरेन्द्र मानकर,संजय उदासी,पोहेका अतुल पाटील,सागर कदम, हरीहर वैदय,रवी पाखरे,दिनेश पडगूणे पथकासह दत्तापुर पोलिसांनी केली.
सदर घटनेत गंभीर गुन्ह्यांची संभाव्यता आल्याने दत्तापुर पोलिसांनी वेळेवर लक्ष घालून या प्रकरणाचे निराकरण करून दोन्ही मुलांना ताब्यात घेऊन मुलांची सुरक्षा सुनिश्चित केली त्यामुळे सदर घटनेचे गांभीर्य लक्षात घेऊन पोलिसांनी दाखवलेल्या त्वरित कार्यतत्पर कारवाईचे सर्वत्र कौतुक होत आहे.
