हापूर(accident):- उत्तर प्रदेशातील हापूरमध्ये सोमवारी रात्री उशिरा एक अनियंत्रित कार दुभाजक ओलांडून पलीकडे असलेल्या ट्रकला धडकली, परिणामी सहा जणांचा मृत्यू झाला. अन्य दोन जण गंभीर जखमी आहेत. माहिती मिळताच पोलीस दाखल झाले आणि जखमींना रुग्णालयात दाखल केले. बऱ्याच प्रयत्नानंतर मृतदेह गाडीतून बाहेर काढता आला. अपघातात कारचे मोठे नुकसान झाले आहे. सोमवारी रात्री बारा वाजण्याच्या सुमारास हापूरहून मुरादाबादच्या दिशेने भरधाव कार जात होती. दिल्ली-लखनौ (Delhi-Lucknow) महामार्गावरील गड परिसरातील अल्लाबख्शपूर गावासमोर कटापासून चंदगंजपर्यंत काही अंतरावर दुभाजकाला (Divider) धडकल्यानंतर दुसऱ्या बाजूच्या ट्रकला धडकली.
पोलिसांनी घटनास्थळ गाठून लोकांच्या मदतीने जखमींना गाडीतून बाहेर काढले
मोठा आवाज ऐकून लोकांनी घटनास्थळाकडे धाव घेतली. पोलिसांना माहिती दिल्यानंतर त्यांनी कारमध्ये अडकलेल्या लोकांना बाहेर काढण्यास सुरुवात केली, मात्र कारमध्ये अडकलेल्या लोकांना बाहेर काढता आले नाही. पोलिसांनी घटनास्थळ गाठून लोकांच्या मदतीने जखमींना गाडीतून बाहेर काढले. सर्वांना रुग्णालयात दाखल करण्यात आले. जिथे डॉक्टरांनी सहा जणांना मृत घोषित केले. दलू हेडा, आणि सचिन हे दोन जण जखमी (wounded) झाले आहेत. कार अपघातात मृत्युमुखी पडलेल्यांमध्ये अनुपम, अंकित, जीतू, शंकर, संदीप आणि एका अनोळखी व्यक्तीचा समावेश आहे. सर्व लोक लोणी येथील रहिवासी होते. मृतांचे वय ३० च्या आसपास असल्याचे सांगण्यात येत आहे. पोलिसांनी मृतदेह पोस्टमॉर्टमसाठी (Postmortem) पाठवून तपास सुरू केला आहे.
