देशोन्नती वृत्तसंकलन
चिखली/बुलढाणा (Soybean pod fire) : गुंजाळा येथील शेतकरी भीमराव वानखेडे यांच्या गावालगतच्या शेतातील सोयाबिन सूडी अज्ञात चोरट्याने पेटवून हजारो रुपयांचे नुकसान केले. ही घटना २० ऑक्टोबर रोजी ८ वाजता घडली. अंढेरा पोलीस स्टेशन अंतर्गत येणाऱ्या गुंजाळा येथील शेतकरी भीमराव वानखेडे यांचे गावालगत गट नंबर १४० मध्ये एक एकर जमीन आहे या शेतात त्यांनी सोयाबिन पेरणी (Soybean pod fire) केली होती. याच शेतावर त्यांनी बँक ऑफ महाराष्ट्र शाखेचे पीककर्ज घेतले होते या कर्जाची परतफेड करण्यासाठी हे शेतकरी कुंटूब रात्र दिवस काबाड कष्ट करून कुटूबांचा उदरनिर्वाह चालवत असत.
सोगणी केलेली सोयाबिनची सुडी शेतात रचली होती आणि दोन ते तीन दिवसात काढून घेणार होते. मात्र पाऊस सूरू असल्याने सोयाबिन काढता आली नव्हती. परंतु १८ ऑक्टोबर रोजी रात्री ८ वाजेच्या दरम्यान कोणत्यातरी अद्यात व्यक्तीने पेट्रोल व डिझेल टाकून सोयाबिन सुडी पेटवून दिली. संपूर्ण (Soybean pod fire) सोयाबिन सुडीची राख होवून गेली त्यामूळे शेतकऱ्यांचे हजारो रुपयांचे नुकसान करूण टाकले. अशा या प्रकारामुळे शेतकरी कुंटूबावर मोठे संकट कोसळले आहे. ही घटना पहिल्यांदाच गुंजाळा गावात घडल्याने गावकरी हैराण झाले आहेत. तरी महसूल व पोलीस प्रशासनाने तात्काळ घटनास्थळाचा पंचनामा करून आरोपीचा शोध घ्यावा तसेच शेतकऱ्याला नुकसान भरपाई द्यावी, अशी मागणी गावकरी करत आहेत.
