औंढा नागनाथ (Srikshetra Aundha Nagnath) : येथे महाशिवरात्रीनिमित्त (Mahashivratri) श्री नागनाथ जोतिर्लिंगाची पालखी मिरवणूक बुधवारी (ता. २६) रात्री ७ वाजता काढण्यात आली. यावेळी भाविकांनी मोठी गर्दी केली होती. रवळेश्वर मामा यांच्या भेटीसाठी सजावट करून पालखी काढण्यात आली. यावेळी भजनी पथक, भजनी मंडळे, बँडपथक यासह भाविक यांच्यासह (Srikshetra Aundha Nagnath) औंढा नगरीतून मुख्य मार्गाने वाजत-गाजत पालखी रवळेश्वर मामाकडे जाऊन नंतर मंदिरामध्ये पोचली.
सायंकाळी ७ वाजता निघालेल्या (Deva palanquin) पालखीचे नगरपंचायत चे उपनगराध्यक्ष अनिल देव, मा. उपनगराध्यक्ष साहेबराव देशमुख,पोलिस निरीक्षक जि एस राहीरे, देवस्थानचे अध्यक्ष वैजनाथ पवार ,व्यवस्थापक सुरेंद्र डफळ, मुख्य पुजारी श्रीपाद भोपी, नारायण भोपी दत्त मठाचे महंत श्याम गीरिजी महाराज,नगरसेविका अश्विनी गणेश पाटील, नागेश शिरसागर,नागेश गोरे आदींच्या उपस्थितीमध्ये विधिवत पूजन करण्यात आले. (Srikshetra Aundha Nagnath) पालखीच्या दर्शनासाठी पंचकोशी सह हजारो भाविकांची गर्दी झाली होती.
