काँग्रेस नेते अभय साळुंखे यांच्या उपस्थितीत पाशा पटेल यांच्या हस्ते उद्घाटन
लातूर (Agriculture Exhibition) : महाराष्ट्र नवनिर्माण सेना व कृषी नवनिर्माण ऍग्रो प्रोड्युसर कंपनी यांच्या संयुक्त विद्यमाने कृषी नवनिर्माण 2025 या तिसऱ्या राज्यस्तरीय कृषी प्रदर्शनाचे उद्धाटन उद्या शुक्रवारी सकाळी 11 वाजता होणार आहे. मारवाडी राजस्थान शिक्षण संस्था पटांगण याठिकाणी कृषी मूल्य आयोगाचे अध्यक्ष पाशा पटेल व काँग्रेस नेते अभय साळुंके यांच्या प्रमुख उपस्थितीत हे उद्घाटन होणार आहे.
हे प्रदर्शन मराठवाड्यातील शेतकऱ्यांना (Agriculture Exhibition) कृषी क्षेत्रात विविध कंपन्यामार्फत येत असलेले नवनवीन तंत्रज्ञान, आधुनिक अवजारे, बी-बियाणे, खते, कीटकनाशके इत्यादी आपल्या विभागातच पाहता यावेत, शेतकऱ्यांना विविध विषयावर शेतीतज्ञ लोकांचे मार्गदर्शन ऐकता यावे, शेतकऱ्यांना बदलत्या हवामानानुसार शेती विकसित करण्याचे ज्ञान मिळावे तसेच शेतीपूरक उद्योगांची माहिती शेतकऱ्यांना मिळावी व शेतीच्या अर्थशास्त्रात सुधारणा व्हावी या हेतूने भरवत असल्याचे प्रतिपादन मनसे शेतकरी सेनेचे प्रदेशाध्यक्ष संतोष नागरगोजे यांनी केले.
या प्रदर्शनात 7 तारखेला बदलते हवामान व त्यानुसार करावयाची शेती या विषयावर पाशाभाई पटेल यांचे मार्गदर्शन होणार आहे. तसेच सोयाबीन, तूर, हरभरा उत्पादन वाढीचे तंत्र व एकात्मिक कीड व्यव्यस्थापन तंत्र शास्वत शेतीचा मंत्र या विषयावर 8 तारखेला शेतीतज्ञ डॉ अरुण गुट्टे व डॉ विजय भामरे हे मार्गदर्शन करणार आहेत. तर शेतकऱ्यांसंधर्भातील शासकीय योजना या विषयावर दी. 9 फेब्रुवारी रोजी 11 ते 1 या वेळेत श्री नितीन कांबळे व क्षीरसागर साहेब (Agriculture Exhibition) कृषी विभाग हे मार्गदर्शन करणार आहेत. दी. 10 फेब्रुवारी रोजी रेशीम शेती या विषयावर 11ते 1 या वेळेत वराट साहेब जिल्हा रेशीम अधिकारी साहेब मार्गदर्शन करणार आहेत. तर 11 फेब्रुवारी रोजी 11 ते 1 या वेळेत कृषिभूषण पांडुरंगराव आव्हाड हे एकरी 100 टन ऊस शेतीचा मुलमंत्र या विषयावर मार्गदर्शन करणार आहेत.
या प्रदर्शनाचे मुख्य आकर्षण बालजत्रा आहे. या प्रदर्शनात शेतकऱ्यांना लकी ड्रा द्वारे ॐ साई ऍग्रो शिर्डी या कंपनीचा नांगर व धरती ऍग्रो इंजिनिअरिंग कंपनीचा रोटावेटर बक्षीस म्हणून देण्यात येणार आहे. या (Agriculture Exhibition) प्रदर्शनात प्रवेश विनामूल्य आहे. या प्रदर्शनाचे प्रायोजक सर्वप्युअर खाद्यतेल हे आहेत. तरी या प्रदर्शनात मराठवाड्यातील सर्व शेतकऱ्यांनी सहभागी व्हावे असे आवाहन प्रदर्शनाचे आयोजन संतोष नागरगोजे, डॉ. नरसिंह भिकाणे, शिवकुमार नागराळे, संजय राठोड, भागवत शिंदे यांनी केले आहे.
आत्महत्येपासून रोखण्यासाठी तज्ञ डॉक्टरांचे मार्गदर्शन…
या (Agriculture Exhibition) प्रदर्शनात कृषी विभाग, आत्मा, पणन महामंडळ, पशुसंवर्धन विभाग, रेशीम विभाग, कृषी उत्पन्न बाजार समिती, मत्स्य संवर्धन विभाग, वखार महामंडळ, महाबीज, माती परीक्षण विभाग सहभागी होणार आहेत. या (Agriculture Exhibition) प्रदर्शनात महिला बचत गटाचेही स्टॉल लागणार आहेत. या प्रदर्शनात आदर्श शेतकऱ्यांचा सत्कार करण्यात येणार आहे. या प्रदर्शनात गृह उपयोगी वस्तूंचे स्टॉलही लागणार आहेत. तसेच या प्रदर्शनात शेतकऱ्यांना आत्महत्येपासून रोखण्यासाठी तज्ञ डॉक्टरांचे मार्गदर्शन होणार आहे.
