…अन नैसर्गिक रंगाची केली उधळण

अमरावती (Amravati) :- विद्यार्थ्यांनी वृक्षांचे पूजन करून वृक्षारोपण व वृक्षसंवर्धनाचा संदेश देत शाळेच्या परिसरातील केरकचरा (Garbage) वेचून त्याची होळी केली. हा उपक्रम तालुक्यातील कुंड सर्जापुर येथील जिल्हा परिषद प्राथमिक मराठी शाळेत गेल्या चार वर्षांपासून सुरू आहे. यावर्षी देखील या उपक्रमाचे आयोजन गुरुवारी (ता.१3) करण्यात आले होते.

सण, संस्कृतीच्या माध्यमातून शाळांचा ग्लोबल वॉर्मिंगचा संदेश

शासन व विविध सामाजिक संस्था वृक्षारोपण (Plantation) आणि वृक्षसंवर्धनासाठी पुढाकार घेऊन विविध उपाययोजना करीत आहेत. सामाजिक बांधीलकी म्हणून शालेय स्तरावर पर्यावरणपूरक विविध उपक्रम राबविणे आजच्या काळाची गरज झाली आहे. आजचा विद्यार्थी हा भविष्यातील सुजाण नागरिक आहे. त्यांना शालेय जीवनात सण व संकृतीच्या माध्यमाची जोड देत वृक्षारोपनासह वृक्षसंवर्धनाचे धडे दिल्यास त्यांच्यातही ग्लोबल वॉर्मिगविषयी जागृती होईल, या उद्देशाने तालुक्यातील कुंड सर्जापुर येथील जिल्हा परिषदेच्या (Zilla Parishad) शाळेत गेल्या चार वर्षापासून वृक्षपूजन करून केरकचऱ्याची होळी करण्याचा उपक्रम राबविल्या जात आहे. यावर्षी देखील या उपक्रमाचे आयोजन करण्यात आले होते. सण व संस्कृतीशी निगडित हा उपक्रम असल्याने यात विद्यार्थी स्वयंस्फूर्तीन व मोठ्या उत्साहाने सहभागी झाले होते. कार्यक्रमाला शाळा व्यवस्थापन समितीचे अध्यक्ष प्रविण गादे, मुख्याध्यापक विनायक लकडे, सहाय्यक शिक्षक नितीन गायकी, शापोआचे विजय मानकर आदी उपस्थित होते.