ऐन सणासुदीत खरेदीचा मुहूर्त अनेकांना साधता येणार
हिंगोली (Sub-Registrar office) : मार्च महिन्याच्या अखेरीस महत्त्वाच्या सणांमुळे दस्त नोंदणी साठी दुय्यम निबंधक कार्यालयात पक्षकाराची होणारी वाढती गर्दी लक्षात घेता 29 ते 31 मार्च दरम्यान सार्वजनिक सुट्टीच्या दिवशीही दुय्यम निबंधक कार्यालय (Sub-Registrar office) चालू ठेवण्याचा निर्णय घेण्यात आला आहे. या निर्णयामुळे अनेकांची गैरसोय दूर होणार आहे आणि सणाच्या निमित्ताने खरेदीचा मुहूर्त साधता येणार आहे.
वार्षिक बाजार मूल्य दर तक्ते दरवर्षी एक एप्रिल रोजी प्रसिद्ध केले जातात. त्यामुळे (Sub-Registrar office) दुय्यम निबंधक कार्यालयात मार्च महिन्यात दस्त नोंदणी करता पक्षकांची मोठी गर्दी होत असते. दुय्यम निबंधक कार्यालय सर्वत्र ऑनलाईन असल्याने कधी कधी तांत्रिक बिघाडामुळे नोंदणी प्रक्रियेत व्यक्त येतो परिणामी पक्षकारांच्या नाराजीलाही काहीसे सामोरे जावे लागते. त्यातच मार्च महिन्यात अनेक महत्त्वाचे सण येतात. या दरम्यान खरेदीचा मुहूर्तही पक्षकार साधत असतात. याच बाबीमुळे (Sub-Registrar office) दुय्यम निबंधक कार्यालयात पक्षकारांची मोठी गर्दी होत असते.
त्यांची गैरसोय होऊ नये या दृष्टिकोनातून तसेच आर्थिक वर्ष 2024 -20 25 या वर्षाचा इंस्टांक पूर्ण करण्याच्या दृष्टीने 29 ते 31 मार्च या आर्थिक वर्ष अखेर असलेल्या सार्वजनिक सुट्टीच्या दिवसात सर्व दस्त नोंदणी कार्यालय सुरू ठेवण्याबाबत राज्याचे नोंदणी उपनिरीक्षक (मुख्यालय) उदयराज चव्हाण यांनी सर्व जिल्हा निबंध तथा मुद्रांक जिल्हाधिकाऱ्यांना लेखी पत्र पाठविले असून जिल्ह्यातील सर्व (Sub-Registrar office) दुय्यम निबंधक कार्यालय या सुट्टीच्या तीन दिवशीही चालू ठेवण्याबाबतच्या सूचना देण्याचे आदेशित केले आहे. या निर्णयामुळे ऐन सणासुदीत अनेकांच्या खरेदीचा मुहूर्त साधला जाणार असून (Sub-Registrar office) दुय्यम निबंधक कार्यालयाच्या मुद्रांकमध्येही आर्थिक भर पडणार आहे.
