उन्नाव (Uttar Pradesh):- उत्तर प्रदेशातील उन्नावमध्ये एक मोठी दुर्घटना घडली. लखनौ-आग्रा एक्स्प्रेस वे वर बेहता मुजावर पोलीस स्टेशन (Police station)परिसरात डबल डेकर बस आणि दुधाच्या कंटेनरमध्ये(container) भीषण टक्कर झाली. या अपघातात बसमधील 18 प्रवाशांचा मृत्यू झाला, तर सुमारे 20 जण जखमी झाल्याचे सांगण्यात येत आहे. मृतांमध्ये 14 महिला, 3 पुरुष आणि एका लहान मुलाचा समावेश आहे. ही बस बिहारमधील सीतामढीहून दिल्लीला (Delhi)जात होती, असे सांगण्यात येत आहे. घटनेची माहिती मिळताच पोलीस घटनास्थळी दाखल झाले. या घटनेची माहिती देताना पोलिसांनी सांगितले की, बेहता मुजावर पोलीस ठाण्याच्या हद्दीतील आग्रा-लखनऊ एक्स्प्रेस वेवर बिहारहून (bihar)दिल्लीला जाणाऱ्या दुधाच्या टँकरला पहाटे 05:15 च्या सुमारास धडकल्याने 18 जणांचा मृत्यू झाला.
बिहार येथून येणाऱ्या एका खाजगी बसची दुधाच्या टँकरला धडक
घटनेची माहिती मिळताच पोलिसांनी घटनास्थळ गाठून सर्व जखमींना बाहेर काढून सीएचसी बांगरमाऊ येथे उपचारासाठी दाखल केले. बेहता मुजावर पोलिसांनी मृतदेह(dead body) ताब्यात घेऊन आवश्यक कार्यवाही सुरू असल्याचे सांगितले. या घटनेची माहिती देताना उन्नावचे डीएम गौरांग राठी म्हणाले की, आज पहाटे 05.15 च्या सुमारास मोतिहारी, बिहार येथून येणाऱ्या एका खाजगी बसची दुधाच्या टँकरला धडक बसली. या अपघातात 18 जणांचा मृत्यू झाला आहे, तर 19 जण जखमी झाले आहेत. प्राथमिक उपचारानंतर उत्तर प्रदेशच्या मुख्यमंत्र्यांनी (Chief Minister) या अपघाताची गंभीर दखल घेत मृतांच्या कुटुंबीयांच्या संवेदना व्यक्त केल्या आहेत. अधिकाऱ्यांनी तात्काळ घटनास्थळी पोहोचून मदतकार्य करावे.
